Тәуелсіздіктің негізгі тірегінің бірі- Ислам діні

Орта ғасырда қазақ жерінде өмір сүрген Қарахан мемлекетінің кезінде Ислам діні мемлекеттік дін болып бекітіледі.Содан бері қарай ата-бабамыздың әр бір салт-дәстүрі ислам дінімен біте қайнасып қазақ ұлтының болмысының пайда болуына алып келді.
Ең алғашқы ислам діні біздің жерге келмес бұрын сүйікті пайғамбарымыз Мұхаммед Мұстафа (с.у.с.) көзін көрген сахабалары ислам дінін жаю мақсатында қазақ жеріне келіпті мыс. Сахабалар ел шекарасынан өткеннен кейін сағымданған кең даланың бауырайынан бір топ аттылар қарсы ұшырасыпты. Сахабаларды танымайтын жер иелері арқан бойғы жерден аттарынан түсіп келген кісілерге құрмет көрсетіп амандасыпты. Бұндай кең пейіл, дархандыққа куә болған сахабалар « Мына елге исламды түсіндіру мен сіндіруде еш кедергі болмайды. Өздерінің болмыстарыда мұсылмандықты айшықтайды екен» деген сөздерге сай пікір айтып таң қалғандарын жасырмапты делінген.
Жалпы қазақ халқының болмысын,әдеп-ғұрпын, салт-дәстүрін исламнан ажыратып қарауға келмейді. Кез келген қазақ азаматының тума болмысы, жаратылысынан жақсылыққа құмар, адалдығы тұмар, ақ көңіл, кіші пейіл болып келеді. Адамдық бітімі мұсылмадыққа сай бейімделген. Дініне берік қазақ халқының арасынан қаншама тақуа,әулие кісіліер шыққан. Бұл қазақтың шынайы мұсылман екенінің бұлтарт бас айғағы. Әр өңірдің жұрты өз әулиелерін жақсы таниды.
Қазақ даналары Абай, Ыбырай, Шоқан сияқты көптеген ғұламаларда алғашқы білімдерін молдадан алып құран оқып сүре жаттаған. Тәуелсіздігімізге тіреу, рухымызға демеу ұлт ұйытқысы бола білген осындай ұлы тұлғаларымыз ислам ілімімен сусындап, имандылық арқылы халқына жөн айтып жол сілтеген. Сөзімен де ісіменде ислам арқылы үлгі болған Ұлы Абай атамыз « Алланың сөзіде рас өзі де рас» деген көркем сөзбен исламды көркемдесе ұстаз Ыбырай «Бір Аллаға сыйынып, кел балалар оқылық» дегенінде де ислам үшін үлкен мағна бар.
ХХ ғасырдың 30-шы жылдары ел егемендігі үшін құрбан болған бір топ ел зиялылары Аллаға дұға етіп елінің ертеңі үшін қам жемеп пе еді. Оған дәлел Алаш зиялыларының ақсақалы Ахмет Байтұрсынұлының өлең түрінде берген мына бір батасын желеу етуге болады:
Аят пенен хадисте
Адал ниет ақ істе
Адасқанын алаштың
Түзу жолға түсір Хақ.
Барша елдің қамын жеген арыстың осы бір жыр шумағынан сол түстағы қазақ азаматтарының тұлға болмыстары мен тұрмыстары исламмен жіпсіз байланыста болғанын сездіреді.
Қай қазақ зиялысы болмасын елінің ертеңін исламмен байланыстырған. Сондықтанда сан мыңдаған қазақ зиялыларымен қоса дүниеден өткен барша исі қазақтың дұға тілектерін ескере отырып Тәуелсіздігімдің тірегі ислам діні десем қателеспеспін.