Виртуалды қарым-қатынас ол не? (агент, скайп, форум т.б.)
Біз таңертең тұра сала негеге почта тексереміз, неге агентке (немесе форумға) кіріп алып сағаттар бойы шықпай отырамыз? Неге біз ешқашан көрмеген, танымайтын адамның пікіріне алаңдаймыз. Осындай сұрақтарға жауап іздеп көру керек сияқты
(себебі осы Айтаберде сондай сұрақтар көбейіп кетіпті, (мыс: aitaber.kz/blog/qyzyqderek/2761.html,
Бұл тек жәй өз ойым ғана, болжам (гипотеза) ретінді ұсынылмақ. Осы «Айтабер» сайтында психологтар, социологтар жетіп артылады (оқығаны бар, өмірден түйіндеген бар деген сияқты), олар да өз ойларын ортаға салар деген ойдамын.
Қазіргі уақыттағы интернет-тәуелділікті зерттеушілер компьютерге тәуелділіктің барлық түрін (мысалы: геймерлер, хакерлер, программистер т.б.) қосып жіберіп жалпылама айтады екен. Меніңше бұл дұрыс емес, олардың әрқайсысының туындайтын өз себептері бар, сондықтан оларды жеке бөліп-бөліп қарастыру керек. Мысалы, геймерлердің (екі-үш күндеп онлайн ойын ойнап отыра беретіндер) өзі бөлек әңгіме.
Біз енді негізгі әңгімемізге қайтып келсек.
Адам ұжымдасып өмір сүретін тіршілік иесі болғандықтан, адам психикасы үшін қарым-қатынас (общение) керек екені белгілі. (қарым-қатынас деп бұл жерде әңгімелесу, пікір алмасу деген мағынада қолданып отырмыз). Әр адам жанына жақын, пікірлес жанды бейсаналы (подсознательно) түрде іздеп жүруі «жалғызсырау инстинктісіне» байланысты (айналғанда Фрейдке кетіп қалдық қой, ық, ық, ық қызық екен). Біз мысалы өзге планеталықтарды неге іздейміз, неге оларға сенгіміз келеді, ол да соған байланысты, бүкіл ғарыш кеңістігінде жалғыз қалғымыз келмейді (тақырыптан ауытқып кішкене қуып кетіппін ғой).
Бір қызығы қазіргі психологтар Виртуалды қарым-қатынасты реалды әлемге қарсы қоятындығында Біз оны неге жалпы қарым-қатынастың өзгеше бір формасы ретінде қарастырмасқа (психологиялық тұрғыдан қарағанда аса көп айырмасы жоқ). Әрине оның да артықшылықтары мен қатар кемшіліктері де жетіп артылады. Сонымен жекпе-жекте «Виртуал» мен «Реальный»
1.Қалаған тақырыбыңа байланысты әңгімелесушіні оңай тауып аласың! (өткенде бір досым (виртуалды әрине) таңғы үште «қара құрдым» (черная дыра — ох, аудармам сәтті болып кетті-ау деймін) туралы не ойлайсың деп сұрағаны бар немесе Маргарет Митчелл туралы талқылау, вряд ли реалдан ондай адамды тез тауып аласың)
2.«Тең болу» феномені орын алады! (білмеймін бұл терминді орынды қолдандым ба? Бірақ бұл факторды феномен дегім келіп отыр). Мысалы виртуалда отырғанда ешқандай социалдық статус, жас айырмашылығы деген сияқтылар ешқандай есепке алынбайды, кез-келген адамға қалаған ойыңды айтып кете бересің (ондайды бұрын студент кезімде поезбен жүргенде байқап едім, бірде декан, сосын тағы бір студент, баратын жерімізге жеткенше дос болып кеткенбіз, бұл да сол сияқты, «кемедегінің жаны бір» дегендей).
3.Эмоцияңды оңай шығарасың! (реалдағыдан гөрі дегенім ғой, өз ойыңды, сезіміңді еркін жеткізесің, керек болса ұрсысып та алуға да болады) Бұл енді өз ойым, ешкімге таңбаймын! (әркімнің мінезіне қарай болар)
4.Қалаған уақытыңда сөйлесе аласың.
5.Охооо… тағы бір айырмашылығы бар екен ғой, айтар ойыңды, сөйлеміңді асықпай жинақтап аласың (бұны да өзім үшін айтқан сияқтымын)
6.Сосын тағы бір қалыптасқан пікір «Виртуалды достық уақытша», бұған мен мүлдем қарсымын (әрине ойлауға болады, оңай келген зат оңай жоғалады деп) Бұрын мен де солай ойлайтын едім, практика көрсеткендей қазір қателескенімді түсіндім (осы агенке кіргелі үзбей сөйлесіп жүрген достарым бар (кімдер екенін өздері біледі деп қояйнба?)
… т.с. сияқты айырмашылықтар көөөп әрине… алып-қосатындарыңыз болса құба-құп болар еді.
Айтпақшы мынаған жауап aitaber.kz/blog/qyzyqderek/2761.html Тағы бір статистиканың жалған мәліметі, бұл саулнама кімдердің арасында жүргізіліп отыр «бизнес мектепте», бұл арада қарым-қатынастан емес, таңдаған мамандықтарынан көру керек.
Р.S. Сонымен қорытындыласақ«Все хорошо в меру» деген сөзді айтқым келіп отыр.
Р.S.S Ескерте кетейін «Виртуалды махаббат» жөнінде ештеңе айтқаным жоқ, себебі ол мүлдем басқа әңгіме, мүлде бөлек аспектлер деген сияқты… (мүмкін ол туралы да әңгіме қылармыз!)
61 пікір
Ал, былай, барлық пунктпен келісемін. Сосын монитордың ар жағында отырып алып, көсемситін адамдарды ұнатпаймын. Этиканы сақтаса екен дейміз…
арманда! Тегін ғой!
Интернетке тәуелді емеспін, кез-келген уақытта қол үзіп кете аламын, жәй ғана виртуалды достарымның көңілдерін қимаймын. Өтірік, емес қой, біраз жоқ болып кетсең ренішін білдіретіндер де табылып жатады. Жоқ болып кеткенін өзім де алаңдап, күтетінім рас.
Арғы бергі атасын түгел ақтарып тұрып талқылайтын мәселе екен.