Деніңіздің саулығы үшін күліңіз

Қазір қайда қарасаң да (Абылайдың авасы да) көшедегі адамдардың езуіне үйіріліп тұратын күлкіні кездестірмейсің. Күлетін адам жоқ емес, бар. Бірақ күлуге уақыттары жоқ. Қабақтары солыңқы тартып, ертеңгі күннің қамын ойлап бара жатқан жандар, әйтеуір…
Сіздерге езу тартудың, күлкімен бір сәтке болса да көңіл көтеріп, денсаулығымызға кішкене үлес қосудың пайдалы кеңесін назарларыңызға ұсынып отырмын.
Қанша қабақ түйіп жүргенімен 70 жыл жасаған адам бүткіл өмірінде шамамен 50 күнін жылаумен өткізсе, 623 күн күліп жүреді екен. Көңілсіздіктен гөрі сергіп жүретін күнімізді көбірек еткен осы күлкінің әсері денсаулығымызға қалай әсер ететінін саралап көрейік.


1. Күлу кезінде тыныс терең алынады да, өкпедегі қантамыр арқылы сыртқа шығарылатын ағзаның қалдықтары жинақталып қалмауына көмектеседі.
2. Шынайы күлкіден ағзадағы «стресс гормондарының» көлемі бірден азаяды. Сонымен бірге шаршағандық ұмытылып, көңіл көтеріледі.
3. Қан қысымы мен жүрек соғысының мөлшері қалыпқа түседі.
4. Мидағы қан айналым жүйесінің қызметі артады. Күлу немесе жәй ғана жымиюдан пайда болатын беттегі бұлшық еттердің қимылы бастың қанайналымының жақсаруына септігін тигізеді. Ал, қанайналымының белсенді жұмыс істеуі есте сақтауда, әлденеге назар аударарда, т.б. оң нәтижесін көрсетеді.
5. Ішкі бездердің секрециясы қалыпты түрде жұмыс жасай бастайды. Бірнеше секундтық күлкінің өзі зат алмасу процесін арттырып, ағзаның жасарғаны байқалады.
6. Иммундық жүйе күшейе түседі. Көп күлетін адамдарда аурудан қорғайтын "қалқан" басқаларға қарағанда көбірек түзіледі.
7. Күлу кезінде ағза өзінше жаттығу жасайды (селк-селк етіп, денеңіздің бәрі жыбырлап тұрып күлетін кездеріңіз бар ғой :))) ) Әсіресе, көкірек пен құрсақ тұсы бұлшықеттері шыныға түседі.






cerebrum — бас миі
Cingulate gyrus — белдеулік қатпар(поясной извилины)
Thalamus — таламус
Hypothalamus — Гипоталамус
Amygdala — миндалина
Hippocampus — гиппокамп
Cerebellum — мишық (мозжечок)







Оқымыстылардың арнайы зерттеулеріне қарағанда 27 секундтық күлкі жүрек-қантамыр жүйелерінің қызметін қалыпқа келтіріп, 3 минут ескек ескенмен бірдей пайдасын тигізеді екен. Ал, бір минутқа созылған күлкі арнайы тренежер залындағы 45 минуттық жаттығуды алмастырады. (Осы жерде, «е солай екен ғой» деп бас жоқ, аяқ жоқ компьютерлеріңіздің бетіне қарап алып күле бермей, шып-шынайы :) күліңіздер )
Міне, біз көп мән бере бермейтін жәй ғана күлкінің осынша пайдалы жақтары бар. Ендеше, өз көңілімізді өзіміз көтеріп, қамығудың орнына күлумен айналысайық, «айтаберліктер»!