Ашығу ақыл-ойды оятады

Саналы да табанды түрде ашыққалы өзіме де, шәкірттеріме де рухани және ақыл-ой өресі жағынан жетілудің өресі айқара ашылды. Оқыған кітабымның мазмұны санамды ап-айқын сайрап тұрады. Есте сақтау қабілетім фотографиямен бірдей. Үш күндік ашығудан кейін-ақ, ақыл-ойыңыздың томағасы сыпырылғандай күй кешесіз. Ойыңыз әдеттегіден көбірек қисын тауып, тез арада дұрыс шешім қабылдайсыз. Бұрынғы елеулі проблемаларыңыздың бәрі айқын да қарапайым нәрсеге айналады. Ашығудан соң ешнәрседен қорықпайсыз. Жаныңызға батып келген жайсыздықты нұрлы ақылдың сәулесі жойып жібереді.
Ашығуымның өзіндік бағдарламасы ақыл-ойдың ішкі үйлесімінен туындайды. Өзімді байсалды да сабырлы, сыртқы дүниемен үйлесімді сезінетінім сондықтан. Тән мен жан тазалығы сізді биікке шарықтатып, жарқұын ойлы тұлғаға айналдырады.
Есте сақтау қабілетіңіз ұстараның жүзіндей өткірлене түседі. Бірнеше жыл бұрын естіген есіміңізді, оқиға өткен жерді, сол кездегі жағдайды оп-оңай ойға келтіре аласыз. Өз бетіңізше білім алу қабілетіңіз артады. Білім — өмірге даярлану емес, өмірдің нағыз өзі. Ақыл-ойы мен рухын жетілдіру — адамдардың ұлы мақсаты.
Сонымен, ашығу бізге үш бағытта ықпал етіп, тәнімізді, ақыл-ойымызды, рухымызды тазартады. Нәтижесінде күшті қабілет пен мықты қабілетке қол жеткізесіз! Жаңа деректер мен білімді сіңріп жатқан миыңыз сорғыш қағазға ұқсайды. Өмірді жарқырата ажарландыратын ішкі қанағат пен жан тыныштығы орнайды. Ашығу арқылы даналық табасыз, өмірдің сирек кездесетін ұлы қасиетін иемденесіз.

Поль Брегг