Санамды тепкілеген фильм

Мен көрген фильм

ноут… су… ноут… шәй… ноут… зал… ноут… балкон… шәй… шәй… шәй… ноут… валерианка… ноут… балкон… ноут… валидол… ноут… көк шәй… ноут… балкон… балкон… валидол… валидол!



Иә, өткен аптадағы бір күн осылай өтті. Әдетте, демалыс күндері жақындағаан сайын екі күнді жіліктеп болмаса да, бөлшектеп, бірдеңелерді жоспарлайтын әдетім бар еді. Сенбі күні үш сағатымды киноға арнадым. Әркімнен жақсы фильмдердің тізімі келе бастады. Тәуір сайт сұрадым. Ақтарып отырып, «Дежавю» фильміне көзім түсті. Аты тартады, алдымен, келісем.

Оқиға желісі қандай?

Дежавью — өміріңде болмаған жағдайды, сәтті болдырып, есіңе түсіретін момент емес пе?! Иә, иә! Фильм де сол жайлы.

Дежавью — адам бір кездері сол ситуацияны бастан өткергендей сезімде болатын психикалық күй. Бірақ мұндай жағдай дәл осы шақтағы оқиғаны өткендегімен салыстырмайды, өткенді еске салады, ал адам ондай ситуация адам өмірінде ваще болмаған.

Даг Карлин: Егер сен бір кісіге өте маңызды бірдеңе айтуың керек, бірақ ол сенбейтін болса, сен не істейтін едің?
Клэр: Байқап көретін едім.

©

Фильм — бірнеше жанрдың тоғысуынан туған шедевр. Көрерменнің санасын түртпектеп, «Мен осы не істеп жүрмін?» деген сұраққа жауап іздетеді. Өзіңді ақтап, даттап, өз-өзіңмен ұрсысып алып, татуласып, кешіріп, қамшылап аласың.

Сонымен фильм??

Біз еститін, жиі еститін спутник арқылы түсіріліп таратылатын сигналдар жайлы. Батыстың дамып кеткені соншалық, санаңа атака жасайды, жәй атака емес, американдықтарға ешқандай ел ілесе алмайтындай бір.

???

Толығырақ айтсам, құпия жобалары жайлы. Яғни олар әлемді спутник арқылы бақылап отыра алатындай етіп келістірген енді. Фильмде белгіленген территория сканерленіп, компьютер оны реал өмірге айналдырып, кез келген нүктенің (ол жабық ғимарат, үй, мекеме...) дыбысын сигналдар арқылы анық таратады… Бірақ бұл жоба өткен 4-5 күнді ғана дәл қазір реалда болып жатқандай етіп көрсетеді. Шумды, лазерді қабылдайды. Сіздің 4-5 күн бұрын не істегеніңізді дәл қазір істеп жатқандай кейіпте әртүрлі спутниктік сигналдарды жинақтап, экранға түсіреді. Өкінішке орай, бір кадрды сол моментте ғана әр түрлі ракурста ғана көруге болады. Бір жаманы, экранға түскен кадрды сақтауға, кері қайтаруға, өткізіп жіберу видик, двд емес қасиеті жоқ екен құрылғының.

Шынымен, бұл қалай? Сонда олар әлемнің кез келген нүктесін белгілеп алып, бақылап отырады ма? Тіпті комптан не оқып жатқаныңызды, қандай тамақ жасап жатқаныңызды....бәрі-бәрін көре алады екен америкалықтар.



Охх, тек бақылап қана қоймай, оны артқа қайтаратын, яғни өткен 4-5 күніңізге кері қайта алатын мүмкіндікті көрсетеді фильм соңында. Иә, иә, басты кейіпкер өткен 4-5 күніне қайта оралып,болған істі кері қайтарып, болған терактты болдырмай тастайды ғой, шіркіннің. Иә, теракт болған, бірақ дамып кеткені сонша, уақытты кері айналдырып, алдын алады оқиғаның. Бірақ елдерде дежавью. Құдды бір түк болмағандай жүре береді.Дежавью. Психикалық күй. Бұрын теракт болған сияқты. Бірақ болмаған. Бүкіл әлемде сондай жағдай.

Иә, қайта-қайта паузаға басып, самалдыққа шығып, терең тыныс алып, өзімді бір шымшып, қайта қарадым, кері айналдырып, қайта-қайта қарадым. Киноға бөлген уақытым бір күнімді жұлып алды, почти!

Фантастиканы да жақсы үйлестірген әмрикалықтар. Саясатты да ұмытпаған. Террористердің түсінігін, неге теракт жасайтындарын, ту, әнұран, әдемі де әсем жерлеріне жарнама, тіпті кез келген фильмдерінде кездесетін діндерін де қосуды мүлдем естерінен шығармаған. Фантастика, драма, көркем де шытырманға толы фильм санамды тепкілеп, физикаға, техникаға деген қызығушылығымды оятты бір жағынан. Сосын мынадай мүмкіндікті пайдалануға болатынын үйреткен сияқты:

Даг Карлин: Егер сен бір кісіге өте маңызды бірдеңе айтуың керек, бірақ ол сенбейтін болса, сен не істейтін едің?
Клэр: Байқап көретін едім. ©

Бұл фильмді yerbol89 мына жерде ұсынған болатын.



P.S: Адамды тәрбиелейтін қазақ кинолары көбейе берсін!