Қыз алып қашу

Күле отырайық /
Күле отырайық: Қыз алып қашуСтудент кезім болатын. Асқар деген досым қаланың бір қызымен дос болып жүре бастады. Енді екеуі әп-әжептеуір жерге дейін барды. Сол қыздың үйіне барамыз деп қаланың жігіттерінен талай таяқ жедік та. Жігіттер жай ғой қыздың ағаларын айтсаңшы. Бір күні Асқар досым қыздың үйіне барып тұрмай ма,үй дегенде де ауылдағыдай терезені қағып қашып кете алмайсың ғой. Төртінші этаж қашып көр сен шығып, баспалдақтардан аттап түсем дегенше қуған адам лифтімен ақ түсіп алдыңнан шығады. Не керек Асқар есіктің қоңырауын баспай ма, сол-ақ екен есік ашылып дәу жұдырық тұмсықтан тарс ете қалыпты да байғұс талып түсіпті. Есін жиса дөңкейген қара « Е қалайсың күйеу бала қош келдің»-деп қарап тұр дейді.
Асқар сасқалақтап:
-Қош көрдің сіз кімсіз-депті. Анау:
-Мен қайны ағаңмын-депті де, алдына дойбы қойып «кел ойнайық, мені женсең мен саған қарындасыммен қыдыруға рұқсат беремін, ал жеңілсең маған бір жәшік пива алып бересің»- депті. Не керек Асқар жеңіп тұрсада да жеңіліп ағасына жәшік пива тасумен болыпты ол мас болып ұйқыға кеткенше. Ақыры Асқар сол қызға үйленетін болып шешті. Құда түсіп,қолдан алуға қыздың ата-анасы келіспед, яғни қаланың адамдары қызының ауылдың жігітіне тұрмысқа шыққанын қаламады. Не керек алып қашатын болып келістік. Ол түста көлік тапшы ғой, досым екеуміз поездбен алып қашатын болдық. Поездға төрт адамға билет алдықта тарттық. Ой поездың ішін той қылып жібердік қой. Жолсерігі де бір тамаша адам екен. Астанаға бара жатқан Шымкенттің балалары живой музыка, поездағы қыздардың бәрі құдаша болып кетті. Ырду-дыру бір тәулік тойлатып түсетін станциямызға жеттік. Енді жеттік па десек сорымызға қарай әлі автобусқа мінеді екенбіз, онымен селкілдеп үш сағат жүрдік. Ішкен тамағымыз желкемізден шықты. Қатты қиналдық,құстықпа келіп, әйтеуір бір бұрылыстан түсіп қалдық.Қыздардың түрлерін көрсең бояулары езіліп, жасаған прическалары жәйіне қалған, шаштары киіз секілді ұйысып қалыпты.
Асқардың қызы: «Бізді қайда алып бара жатырсың неғылған степ»- деп қояды. Шынындада автобустан қайдағы жоқ ми далада түсіп қалдық. Мен Асқарға қарап:

• -Ау досым бұл жерден неге түстік -десем.
• -Қазір бізді ары қарай арбамен алып кетеді-дейді саспастан.
Бәріміз Асқардың бетіне қарап «немене, арбамен?» деппіз ғой. Мына сөзді естігенде қыздардың настроениялары мүлдем түсіп кетті. Арба келем дегенше жаңбыр жауды. Тығылатын жер таппай бір-бірімізді құшақтап жабысып тұрдық. Тісіміз тісімізге тимей қатып қалдық, өлдік ау дегенде арба келді. Бір джип келгендей қуанып мініп алдық қой. Ол арбадан не қайыр жаңбыр төбемізді тесіп бара жатыр. Арбаны жүргізіп келген шабарман жамылып алыңдар деп көрпеше берлі онысы шылқып тұр қалай жамыласың. Арбамен салдырап ауылғада жеттік. Ауылға кіре берісте үлкен сай бар екен. Су аттың бауырынан келеді. Қырсыққанда ортасына бардыда атың аяғы тайып құлады келіп. Басы судан қылтиып қырсық жануар тұрмайды. Бұндайды көрмеген қыздар шыңғырып жатыр. Судың ортасында тұрмыз. Бір суға батып жатқан Титанникте тұрғандай ақ қыздар әні-міне суға кететіндей шыңғырады. Шыдай алмай кеттім. Аяқ киімен суға секіріп түстім да өзімше Досымның қызы, яғни келін болып келе жатқан қызға «кел көтеріп шығарамын» дедім. Ол қорқа- қорқа келісті. Өзімше көтеріп келем суды былш-былш басып. «Қыз ауырма тұз ауырма» деген сөздің сонда түсіндім. Шалшықтың шетіне жетем дегенше қолым талып барады тәлтіректеп келемін. Біркезде шетіне жете бергенде аяғым тайды да қызды үстаған күйі суға құлап түсім.Мен қыздың үстінед қыз батпақ судың астында сүңгіп жатыр. Тізерлеп, еңбектеп шықтық әйтеуір жағаға. Жайықтың суына малтығандай бар мүшеміз су-су болды. Қыз мені орысшалап боқтап жатыр. Одан жігітімен ұрысты «Мені қандай тупикке алып келдің кетем үйіме» деп. Асқар досым саспайды ақырынғана күліп «бара ғой егер баралсаң» деп қояды. Амалы құрыған қыз амал жоқ үсті басы малмаңдай ауылға кірді бізбен бірге.Ауылдың иттеріне дейін шулап қарсы алып жатыр. Кішкентай балалар «Асқар аға келін алып келді сүйінші» — десіп шапқылап жүр. Ауылдың орталығындағы Асқардың үйінің маңында ауылдың барша адамдары абыр-сабыр болып жатыр. Тұнған кемпірлер, қолдарында бір-бір табақ. Онысына толтырып құрт салып алған шашу шашуға ыңғайланып тұр. Ойлап қоямын «мынасы несі, шашуға құрт салып алғаны несі кәмпит салмайма ?» — деп. Бірақ ауылда қайдағы кәмпит. Бізді көре салысымен табақ ұстаған әжелер лап қойды. Қыздардың зәресі кетті. «Что они сабирется делат?» деп сұрап жатыр. «А обыча сондай» — деп жауап берем. Бір кезде табақ ұстаған әжелер қатып қалған құрттарын жауға лақтырғандай жіберді келіп. Қатып қалған бір құрт келін болып түскелі келе жатқан қыздың мандайына тарс ете қалды да, байғұс «мамалап» отыра кетті. Мен кәдімгі бір соғыста бомбадан қашып жүрген жауынгер ұқсап екінші дос қыздың үстін секірдім. Ол бишара етпетінен түсті. Құрттар зың-зың етіп бас,құлаққа тиіп жатыр. Бір кемпір келіп «ей ұятсыз тұр қыздың ұстіне мініп алғаны несі а?» деп бүйірімнен таяғымен бір салды. Жалма-жан атып тұрдым. Ана жақта екі келіншек келін болатын қызды қуып жүр, ол байғұс ісіп кеткен шекесін ұстап қашып жүр (қасқырдан қашқан қоян ұқсап) Жеңгейлер бұзау қуып жатқандай ғой. Келінді сирағынан ұстап қойды жыққандай жалп еткізіп басына орамалды орап екі қолын қайырып үйге зып еткізді дағы, артынан бізді де үйге қуып тықты.
Жалпы айтқымыз келгені қазақ халқы тым қарапайым, әрі дархан, кеңпейіл ғой.

33 пікір

Jako
Кан мырза, тамаша.Біраздан бері көрінбей кетіп едіңіз жақсы жаңалықпен келіпсіз.Тамаша жазылған, бұрындары ауылда дәл осылай еді, келтіріп жазыпсың.
Kan
Ассаламуагалейкум аға. Сізге ұнағанына қуаныштымын рахмет. Менің почтама сайттан хат келмейді. неге екенін білмей жүрмін.
Korkem
әлгі өзіңізді ойша өл-өлгенше таяқ жегізген өтірігіңізге қарағанда өтімдірек екен
Korkem
Жалпы айтқымыз келгені қазақ халқы тым қарапайым. Әрі дархан, кеңпейіл ғой.
yesbolat83
Қан мырза, өттте тамаша. Күлкіден өліп қалам ба деп ойлап отырдым, оқып отырып.
didi0393
«Қыз ауырма тұз ауырма»
ахахах)))) катырасс))
qyrmyzy
мынаны екі күннен бері бітіре алмай жүрмін((((
mairosh
Тамаша жазылған. Бір күліп алдым-ау:)
semser_soz
Күлкілісі күлкілі әрине. Қаншама қыз алып қашқан жағдайларды көзіммен де көрдім… Естідім де. БІРАҚ, МЫНАНДАЙ ЖАБАЙЫЛЫҚ БАР ДЕГЕНГЕ СЕНУ ҚИЫН...
Jako
Бұл жерде Қанат сізден біршама үлкен екенін ескерсеңіз бәрі орнына келер.
yesbolat83
Білгім келетіні. Қандай пәннің мұғалімісің?
Мен жәй, сені мұғалім деп естігем.
Kan
Саламатпа. Иа мұғаліммін. Мен құқықтану пәнінен сабақ берем.
yesbolat83
Заң шеңберінде сұрақ туындаса саған хабарласатын болдым.
Kan
әрине хабарлас.
nice7777term
ахахахах)) бір күліп қалдым ғой
nurbanu_KAMAL
Соңғы өңделген уақыты:
SaboniS
көз алдыма кәдімгі комедиялық кинофильм елестеп кетті ))) ішегім қатып қалды ))
akmaral_toktagulova
Baxaxaxa)))))) SIZDIN ARKANIZDA KULKIGE KARIK BOLDIM, құрт келін болып түскелі келе жатқан қыздың мандайына тарс ете қалды байғұс «мамалап» отыра кетті ))))))))))
Rayana
Шымкентім-ай, дархан халық қой. Мұндай тойдың қаншамасына куә болдым емес пе, бала кезде?! Ауылымды сағындыыыым. Жаңбыр жауғанда тек су болмайсын, балшыққа да батасың, себебі ауылда асфальт қайдан болсын...?
Yasin
Кан, өлтірдің
Karakulov
Өте қызық! Жарты жылдан бері бірінші рет бүгін кіріп тұр едім, осындай тамаша жазбаға тап болғаныма қуаныштымын.
Комедия десе комедия, дайын сценарий ғой))))
Azamat
Ұнады!) Жалғасын күтемін…
ereke_enu
Мықты, мықты. Аяқ жағында байқалып қалды, бірақ, керемет)) Бір күліп алдым ғой)
Oralkhan
Ассалаумагалейкум Yasin бауырым!!! Сізбен тез арада хабарласу керек еді өте шұғыл бір сөз бар еді!!!
Kan
Түсінбедім!
Jako
Oralkhan, Ясин дәл қазіргі уақытта Меккеде,қажылықта, бүгін ФБ-да болды, сол жақтан іздеп көріңіз.
Соңғы өңделген уақыты:
ai_ka_094
керемет жазылған ))))))))))))))))Өлдік дегенде арба келді. Бір джип келгендей қуанып мініп алдыққой. Келінді сирағынан ұстап қойды жыққандай жалп еткізіп басына орамалыд орап екі қолын қайырып үйге зып еткізді.не деген ауылдағы женгейлерді дөрекі бейнелеп жіберіпті. Ия тамаша жазылған ризамын
Juldyzka1995
Жарайсыз! Тамаша жазылган туынды. Маган катты унады, кулкили екен. Кулкиге бир кенелип калдым.
htumar
кулесин бирак ар қызды осылай қуалап алдап алып қашса сонда қыз баланың сатысы төмендеме. Ойланындар жигиттер ар ата-ана баласы мен қызының ел алдында мақтанышпен кеткенин қалайды. Қазіргі танда алып қашып ажырасқандардын саны коп ойланып өмір бойы қасында қалатын жанға олай істеу менинше дұрыс емес.
Madina94
Керемет жазылған коммедия деп атса болады! Маған ұнады, бірақ қателеріне назар аударсаңыз тіптен керемет болар еді)))
Jako
Мадина94, ерінбей өңдеп шықтым, енді байқап қараңызшы.
yesbolat83
Суретін қатырыпсыз.)
Jako
Еске, арбамен алып қашқан қыздың суретін таппадым)))))
Тек тіркелген қолданушылар ғана пікір қалдыра алады.