Осы өлеңді білесіз бе?!

Таусылмайтын махаббат /
Жуырда, жерлесім — Көкшетаулық Алмас Темірбай есімді ақынның мына өлеңін тауып алдым… «Сені сағынғанда» деп аталады екен, «біреуді» сағынғандықтан болар ма, осы жолдарды алғаш рет оқығандай әсер алдым…

Жүрегін ұстап қолына жүгіріп алдан шығатын,
айтайын деген сөзімді айтқызбай жатып ұғатын,
қойып кеткен жерімде қозғалмай күтіп тұратын,
оңаша қалсақ,
отыз күн ойын, қырық күн тойын қылатын,

әдемі киім киетін,
әдемілікті сүйетін,
елге сәлем салғанда еңкейтіп басын иетін,
еңкейген сәтте бір құлаш бұрымы жерге тиетін,
суығыма тоңатын, ыстығыма күйетін,
маған тиген таяқтың бір ұшы соған тиетін,

шынын айтып жылатқан,
сырын айтып жұбатқан,
көк Аспанның астында, қара Жердің үстінде,
көп Еркектің ішінен Мені ғана ұнатқан,

у мен балды тең ішкен,
«Сізді ғана сүйем» деп, сертінде тұрып сеніскен,
Құдай қосқан қосағым болмақшы болып келіскен,
пешенеме бұйырып, пенде боп туған періштем,
осы елге келіп жоғалды-ау, адасып шығып пейіштен…

… жалғыз жүрген жан еді,
аққу құстай бөлініп, жүргені де әдемі,
ақ жүрегі көрініп, күлгені де әдемі,
мөлт-мөлт етіп моншағы, жылағаны әдемі,
жылап тұрып, кешірім сұрағаны әдемі,
бір періштем бар еді,
бір пе-ріш-тем бар е-ді,
бір пе-ріш-тем бар е-ді…

Сол періштемді жоғалттым!
Кім ұрлады?! Кім көрді?!

Көрсеңіз оны, замандас,
мына телефонға хабарлас:
8-701-534-2006.

18 пікір

MSHERIMBEK
Шынымен, хабарласа саламын:)
didi0393
Eeeeuu ne ddisin? :)
MSHERIMBEK
оййй, кешіріңіз, бикеш:) не көрінді хабарласып:)))
didi0393
Kudđoooooi habarlasa ber, tarifpen arine)
aikerima
өлеңді жазған ер адам ғой)хабарласа бересіз бе?)
MSHERIMBEK
Сізге түсіп қалам ба деген соқыр үміт қой, біздегі =))))
eerkinuly
men okip otirip kelinwegine aitip otirgan wigar desem
Kan
керемет өлең екен. артына тел. нөмірін жазғаны, сіра ақынның тозғаны не болмаса озғаны
aikerima
иә, солай болар!
Nursultan2002
Енді біліп отырм
yesbolat83
Керемет өлең екен. Бас жағы өте тамаша боп бастап еді, артқы жағы қалжың сияқты боп кетті ма, қалай?! Көпшілікке ұнайтынына сенімдімін.
aikerima
Алмас ағай негізі өзі тамаша оқып береді бұл өлеңді.ерекше десе болады.ақынның өзін тыңдасаңыз түсініктілеу болады.
khairbek
не деген депозит
Jako
Осыдан біраз бұрын көп жылдар бұрын жастау шағымда (10-15жыл бұрын) жаттап алған бір"Қоштасу"-деген өлеңді Айтаберде жариялаған едім, бірақ сол кезде авторын еске сақтамаппын. Сол бетте Айка деген қыз ол өлеңнің авторыАлмас Темірбек екенін айтқан еді, содан бері іздеп оқимын.Ақын өлеңдері тамаша, сезім қылдарын шертеді.Егер мына өлеңде телефон нөмірін жазса оқырманнан шабыттан туған прототип қыздың адресін емес, осы бір тамаша өлең туралы пікірлерін ауыз екі тыңдағысы келгеннен болар деп түсінген дұрыс шығар.Ақын өлеңімен танысқыларыңыз келсе «Мәссаған»сайтында біразы бар екен.
eerkinuly
шынын айтып жылатқан,
сырын айтып жұбатқан,
көк Аспанның астында, қара Жердің үстінде,
көп Еркектің ішінен Мені ғана ұнатқан, keremet
Тек тіркелген қолданушылар ғана пікір қалдыра алады.