Адамзаттың ұрпағы

Дәл осы көшеменен кім жүреді,
Он жылдар, жүз жыл өтер, кім біледі.
Оны тек сол шақтағы күн біледі!
Оны тек сол кездегі түн біледі.
Бұлардың уақытпен бір жүрегі.
Кім салқындап отырар мына бақта?
Ойын-сауық ана жақ, мына жақта.
Сонда қалай?
Осы бақ орынында,
Адамдар алма-кезек құламақ па!?
Талай тарлан жақсыдан тірі адастым.
Мен сенен мәңгілікті сұрамаспын.
He айтам саған, табиғат, адамдарға,
Қимадың ғой өмірін бір ағаштың.
Адам байғұс жер бетін жасандырып,
Жасамайды өзіңе асау қылық,
Тек ескерткіш орнатар өздеріне,
Тау-тасты тыным алмай қашап жүріп.
Талай нөсер төгілер, болар жасын,
Алапат күн әйтеуір жол алмасын.
Мына нұрлы өмірге тірек болған,
Адамзаттың ұрпағы жоғалмасын!
Мұқағали Мақатаев

2 пікір

Togzhan
Иә...өтсек мына өмірден біз өтерміз. Осы аз-ақ ғұмырда дұрыс өмір сүре білсек, уақытты босқа өткізбесек игі.
beko
Ойланып қарағын, бұл өмірде осы уақытқа дейін не бітірдің, енді не бітіресің?
Осы өмірдегі өндірер ісің нешеу?
Сен қазақ, осылай ойланудан арылмағын ешқашан…
(әттең, өлең жазар өнерім жоқ, сөздерім келіспей отырған қарашы, бірәқ оған өмір де үйретер әлі ақ, сірә...)
Тек тіркелген қолданушылар ғана пікір қалдыра алады.