Балалық шақ

Тезек теріп
Үйге келіп
От жағатын балалық.
Қызық көріп
Шашты өріп
Ойын қуған шалалық.

Көлді бойлап
Аунап-қунап
Суға түскен кездерім.
Бұрымды қыз
Қылығыңыз
Әл есімде сөздерің.

Сақа сайлап
Асық ойнап
Мұңсыз өткен күндер-ай.
Құртын ұрлап
Әже ойбалап
Ессіз өткен түндер-ай.

Тырық-тырық күліп
Бұзау мініп
Асыр салып жүргенім.
Балақ түріп
Суға кіріп
Майда шабақ тергенім.

Тақта сызып
Тәртіп бұзып
Сүмірейген шақтарым.
Асық тізіп
Ойын қызып
Кешігіп есік қаққаным.

Бала болып
Асқа тойып
Жүрген кезге не жетсін?
Балалықты
Шалалықты
Есі барлар ескерсін.