Өзің ғана
Қуанышым өзіңсің, қайғымдасың,
Жаным, маған құшағың жайдың ба шын?
Тағдырымсың сен менің, ал тағдырдан,
Белгілі ғой ешқашан айрылмасым.
Шаттығым да өзіңсің, мұңымдасың,
«Сен» деп кешкен күнім мен түнім басым.
Бақытым боп алдымда сен тұрғанда,
Белгілі ғой басқаға бұрылмасым!
Өмірімнің алаулы өзегісің,
Өзегісің, сен оны сеземісің?
Бір мен үшін тау менен тасты шарлап,
Бір мен үшін даланы кеземісің?
Мені ойлап бөлмеңе сыймаймысың?
Маған арнап қыр гүлін жинаймысың?
Алыстасың, қайтейін алыстасың
Осы бір жай мені әр кез қинайды шын!
8 пікір
Өлеңдерді жақында ғана оқи бастадым, сосын барлық өлеңдерді емес. Одан қалса қатты өзгермедім ол жағынан, көп оқи да бермеймін ғо. Құдірет?)) оһһооо, хмм. Мүмкін...)))