Ғабит Мүсірепов "Қойын дәптерден"

Қызықты деректер /
Бірнеше күн бұрын кітапханадан Ғабит Мүсірепов ағамыздың «Тұтқын қыз» кітабын алып едім, кітаптың соңғы беттерінде "Қойын дәптерден" деп көптеген ой пікірлерін жазыпты.
Кітапты 1993-жылы Алматыда «Балауса» баспасы жарыққа шығарыпты.
Мен өзіме ұнаған бірнешеуін ғана теріп жаздым:

Қиратуға құмарлық — жаңаны жасауға құмарлығы.

"Қисық таяқтың көлеңкесі түзу болмайды", «Жыртық қапқа тары тұрмайды» (Монғол мақалы)

Жастар туралы «Жас орман» деген роман жазса дұрыс болар еді. Осы екеуінің арасында талай ұқсастық бар.

Өлең өндірісін қойып, шын мағынада поэзия жаз дер едім.

Езу тартқаны қасірет белгісіндей көрінетін адамды бүгін көрдім.

Көркем әдебиет деген ең әуелі жанды сөз, тек қана сыртқы емес, ішкі сөз. Адам жанын қозғай алар құдыреті болмаса, төрт аяғын тең басқан өлеңнен де, сағымдай құлпырған қара сөзден де пайда жоқ. Көркем сөздің сұлулығы сағымдай құлпырмасын, өзендей толқысын.

«Ойлау мен орындау — көркем өнердің екі беті». (Бальзак).

"Әйел үшін ақша төгу — не алғашқы қызық дәәуірінде, не енді арана сайтақ кіре бастаған кезде..." (Бальзак)

Заң әрі тар, әрі тапал есік сияқты болса, амалсыз басыңды иіп өтесің; заң даналығы мен ұлықтығына таң қаларлық болса, еркіңмен, құрметпен басыңды иесің. Тар еіс сияқты заңнан басын имей өтушілер болса, онда ол адам тапалдың да тапалы, қурайдың да қурайы болғаны; Ұлы заңға бас имеушілер болса, не соқыр, не ақымақ болғаны.

Байы мен қатыны ұрысқанда әйелдің даусы қаттырақ шықса, айып қатында болғаны, еркегінің даусы қаттырақ шықса айыпты сол. Әсіресе еркек даусы қаттырақ шықса — дауды «жеңіп» тоқтатқысы келгені. «Жеңістің» бір түрі осындай болады.

Ең ауыр майдан — надандықпен күресу майданы: әрі ұзақ, әрі ызасы көп.

Айтқын келген ойын мен айтқан ойыңнын арасында айырма бар, айтқын келген ойың мен қалай айтқаның арасында да сол айырма.

Құс жоғары ұшқанымен ойы жоғары емес, әрине.

Әйелдің ақылы — көркінде, еркектің көркі — ақылында.

Махаббат, достық, бауырмалдық адамның бір ең асылы.

Сері адам өсекке мән бермейді

Әйел шыныменде жылап алса, ажарланып кетеді, көңілінде түйнек болып тұрған бір тасты көз жасымен жуып тастағандай.

Біреу үшін қылмыс, біреу үшін ерлік саналады емес пе?

Ойлау деген ойыншық емес.

Көбіктің көленкесіндей қана елес беретін ойлар болады. Әне, соны аңғара біл!

Балалар тәрбиесін үлкендерден бастау керек.

Ахиллестің Найзасы жаралай да, жараны жаза да біледі.

Әйел біткеннің бәрі де өздерінен сұлуырақ көрінген әйелге жау болады.

Оқымыстылық мансап үшін киілетін тәжі де емес, сауын сиыр да емес (Толстой).

: Жалғасы бар: мүмкін

7 пікір

AKA
Шашыраңқы жазылған, бірақ түртіп аларлықтары бар екен.
dimash
Шашыраңқы болғанда мен арасынан теріп жаздым, кітапта да солай шашыраңқы жазылыпты.
Теріп жазған адам да сол дәптерде жазылған күйін өзгерпей жаздым деп түсініктеме келтіріпті.
AKA
Шашыраңқы деп басқаны көздегем негізі, жарайды, кітапқа құштарлығың арта берсін!
AKA
Ойбай-ааааааааааай, сұрақ жазба авторына қойылды деп ойлаймын.
dimash
А білмедім, ол жайлы автор ештене жазбапты.
Мен тек сайтқа «көшірген» адаммын)
qyrmyzy
Әйел шыныменде жылап алса, ажарланып кетеді
ШЫНЫМЕН-АҚ, кейде жылап алсаң, жеңілдеп қаласың, ақтарлып алсаң, уаще кучт!
qyrmyzy
"Қисық таяқтың көлеңкесі түзу болмайды", «Жыртық қапқа тары тұрмайды»
түртіп алдым!
Автор, мақала соңына пікір қалдыруға тыйым салды!