Бал торты!

Бисквиттері үшін:
-2 жұмыртқа;
-200 г шекер;
-80 г маргарин;
-3 ас қасық бал;
-2 шәй қасық ас содасы;
-500 г ұн.
Крем үшін:
-1 қойытылған сүт;
-крем Шанти.
Ең алдымен крем дайындап аламыз. Ол үшін қойытылған сүт пен крем Шантиді миксермен араластырамыз да, тоңазытқышқа салып қоямыз.

Енді биквиттерді пісіру үшін, жұмыртқа мен шекерді араластырып аламыз, сосын оған маргарин, бал, ас содасын қосып, буға қоямыз. Жәй ырғақпен үнемі қозғап тұру керек.

Өнім ұлғайып, қоңырқай түске айналғанда оттан түсіреміз.

Сосын ұнды қосып, қамыр илейміз. Қамырдың бетін 15 минутқа жауып қоямыз.

15 минуттан кейін қамырды 4 бөлікке бөліп, кезекпен пісіріп аламыз(5-6 минутта пісіп қалады).

Дайын болған бисквиттерді шеңбер формасына келтіріп, қалған бөлігін үгітіп қоямыз(торттың шетіне себуге керек болады).

Енді биквиттердің бетіне кремді жағып шығамыз.




Шетіне үгітінділерді сеуіп, ортасына шоколадты теркадан өткіземіз.

Кремі сіңуі үшін, 5-6 сағатқа тоңазытқышқа қойып қоямыз!
Торт дайын!



Астарыңыз дәмді болсын!