Бәлкім жазылып та қойған шығар, жаңартып та алғандарыңа бірнеше ай болған шығар, бәлкім мен слоупок шығармын, мейлі ол шілде айында ұсынылса да, бірақ өзімнің ақылдыфонымның амалдар жүйесі бүп бүгін ғана жаңарды. Басқа аймақтарда қалай екенін білмеймін, бірақ Ақтауда андроидтың жаңа нұсқасы бүгін ғана жүктеп алуға ұсынылды. Мана сол жұмыс уақыты аяқтала бергенде, смартфоныма қарап қалсам, «пакетная обновление ПО» деген жазу шығып тұр, вай файдан ажырамаңыз дегесін, отырдым жұмыста, пакеттегі жаңартылуы жүктеліп, қондырылып болам дегенше сағат сегіз жарым болыпты, содан үйге кеттім.

Енді өзімше үйге келіп, қай жері жаңарды оның соншама деп қарасап, андроидым 4.0.4 нұсқасынан 4.1.1 ші нұсқасына жаңарыпты, Jelly Bean деп аталады бұл нұсқасына өзімше шолу жасап қөрмекшімін.



Сонымен қысқаша бұл нұсқада не жаңарды:
— Айтады жылдамдығы арта түсті деп, оған сендім, жылдамдық байқалады. Жалпы бұл жаңартуда жүйе жылдамдығы мен анимация бірқалыптылығына аса көп көңіл бөлініпті дейді
— Айтады интерфейс анимациясы қалықтап, шалықтап, жеңіл (ощм плавно деген ғо) қозғала түсті деп, ия онысы да байқалады. (қолданушы интерфейсін бірқалыпты ету үшін Project Butter технологиясы қолданылды дейді) Анимация секундына алпыс кадрмен қозғалады. Кім ол айтып жүрген адамның көзі тек жиырма төрт кадрды өңдай алады деп, алпыс кадр бірден сезіледі.
— Сенсордың сезімталдығы артыпты ощщ, тойыс экранды түрткенде, оны өңдеу, оқиғаға әрекет ету жылдамдығы едәуір артыпты.
Жоғарыдағы айтылғандардың бәрін мына видеодан айқын көруге болады.


— Жүйеге қосымша тілдер еніпті
— Жүйеге қосымша жиырма үш халықаралық пернетақта ауыспалары енді дегенді естіп бірден қазақшасы қосылды ма екен деп тексеруге барып едім, жоқ екен (((



Қап қазақшасы болғанда ғой дедім де, қойдым, әйтпесе мына қазақша енгізуге болатын қосымша программа планшетте тәуір көрінгенімен смартфондарға тым үлкен, экранның барлық дерлік бөлігін жауып тұрады екен. Жамандағаным емес, ойыбай осыған да тәубаа, бірақ…





— Жұмыс үстеліне виджеттерді орналастырғанда, егер бір виджетке орын жетпей жатса, қалғандары автоматты түрде былай былай ығысып отырады екен
— Контактке сурет қойғада, сурет көлемін 720×720 пикселге дейін үйкейтіпті, ол бірден байқалды, бұрындары сурет сапасы тіптен нашар көрінетін еді


— Дыбыс арқылы енгіду одан сайын күшейе түсті дейді, қазақ тілін қолдамайды бірақ (((
Өзімше «сәлем» деп едім, біресе «фиолент» деді, біресе «ильин» деп таныды, біресе тіпті қуып «сталин» деп жазып берді



— Браузер жаңарыпты, HTML5/CSS3/Canvas қолдауы күшейе түсіпті, оны көре жатармыз әлі, Chrome браузері жоқ еді, мына жаңартуда үнсіз келісіп бойынша келіпті.


— Басқа да кәкір шүкір кішігірім жаңартулар, жаңа виджеттер, оффлайн карта мен оффлайн дыбысты тану, ютуб пен гугл плэй интерфейсі жаңарыпты.


— Және соңында ең басты жаңартулардың бірі ол Google Now қосымшасы. Ең ұнағаны осы болды. СМАРТфон СМАРТфон дейміз ау, бірақ қазіргі СМАРТфондар шындап келгенде ешқандай да СМАРТ емес, олар жәй ғана функционалды телефондар. Нағыз СМАРТфон СМАРТ болуы керек яғни ақылды, мысалға иесі күнде таңертең жұмысқа кешігіп ұйықтап қала беретін болса, немесе күнде кешкісін сағат жетіде дәрісін ішетін болса, СМАРТфон осы амал әрекеттерді ескере отырып, мысалы таңертең ертерек оятып, кешкі жетілерде дәріңізді ішуді ұмытпаңыз деп ескертіп отыруы керек. СМАРТыңыдысс, мына Google Now қосымшасымен СМАРТфон кішкене де болса ақылға келейіндеген сияқты.


Google Now бағдарламасы смартфондағы баарлық ақпаратыңызды, гугл аккаунтығызды, закладкаңызды, джимайлдағы почтаңызды, GPS навигацияңызды бәрін бәрін қолданып, сараптап саралап, өңдеп, сізге керек ақпаратты шығарып отырады. Мысалы мен күнте таңертең бестк маршруткасына мінетін болсам, таңертең ол маған бестік маршрутканың қашан келеу керектігін көрсетіп отырады, немесе жұмысыма қалай бару керек екенін, картадан көрсетіп беріп отырады, немесе мен тұрған жерде айналамда қандай нысандар мен ғимараттар бар екенін көрсетіп отырады, қысқасы қажетті, ақылды жауаптар көрсетіп отырады екеееен.

Бары осы, ішек қарнын ақтарып, ядросын зерттеген жоқпын, жаңарғаннан кейін өзім байқалған өзгерістерді ғана жазып отырмын. Сау болыңыздар.

Ия ия, білем, тым кеш екенін, бірақ жамааан обзор жасағым келіп кетті аяқ астынан, несі бар екен кешіккенде. Бүгін ғана жаңартып алдым ғо енд.