Жаңа жыл! Жаңа жас!

Құрметті достар, Жаңа жылдарыңызбен! Кеше, яғни, 1 қаңтар күні сайтымыздың беделді әрі белсенді қолданушыларының бірі — Жақыпбек ағамыз (Jako ) 56 жасын толтырды.

Ол қазақ интернетіне тәрбиелік мәні зор жазбалары арқылы өскелең ұрпаққа өз білгендерімен бөлісіп, тәрбие беріп жүрген жандардың бірі. Тек қана Айтабер мен СЖ-да ғана емес, өзге де сайттарда белсенділік танытып жүрген Жақыпбек ағаның қаламынан біткен ғибрат аларлық тамаша жазбалары мен санаға түйерлік туындыларын оқығанда ерекше әсерленетініміз ақиқат.




Жақыпбек аға, туылған күніңіз құтты болсын! Сізге зор денсаулық, толыққанды бақыт тілеп, жеңгеміз Гауһармен ұзақ әрі шаттықты ғұмыр кешуіңізді тілейміз. Ұл-қыздарыңызбен, немере жиендеріңіздің қызығын көре беруіңізге тілектеспіз! Осындай ақ жарқын жүзіңізден күлкі кетпей, әрқашан сенімді дос, ақыл айтар кемеңгер, тәлім берер ұстаз, жол сілтер ақсақалымыз боп жүре беріңіз! Абыройыңыз асқақтай берсін!

Достар! Өз тілектеріңізді айтаберіңіздер!