Кел, Қараша!

Күздің соңғы айы. Уақыттың зымырап өтіп бара жатқаны айтпасам да түсінікті. Күнделікті күйбең тіршіліктің соңында жүріп, кейде айналамыздағыларды да ұмытып кетеміз. Бір сәт тоқтап, өткеніңізге көз жүгіртіп жіберіңізші.

СТОП!

Не істедіңіз? Қандай жетістікке жеттіңіз? Неге үлгермедіңіз? Қандай жоспарларыңыз амалға аспай қалды? Нені ұмыттыңыз? Не істемеу керек еді....

Тым алысқа бармай, өткен айды сараптап жіберейік.

Үйіңізге, әке-шешіңіздің қалын сұрап қанша рет қоңырау шалдыңыз? Достарыңызбен жиі кездестіңіз бе? Үй шаруасына араластыңыз ба немесе соңғы рет азық-түлік сатып алғаныңыз есіңізде ме? Кітап сөресіне өткен айда жоладыңыз ба? Жаңалықтарды күнделікті қарап отырдыңыз ба? Газет сатып алдыңыз ба өткен айда? Ал, достарыңыздың туған күнімен құттықтауды ұмытпадыңыз ба? Кімге, қандай жақсылық жасадыңыз? Өткен айда кімді қуанттыңыз? Тосын сый алып көрдіңіз бе? Жасадыңыз ба? Сүйіктіңіз өткен айда қанша рет ренжіді? Қанша рет сізге риза болды… бітпейтін сұрақтар...

ӨТКЕН АЙ НЕСІМЕН ЕСІҢІЗДЕ ҚАЛДЫ, СОНЫМЕН? ОСЫ АЙ НЕСІМЕН ЕСТЕ ҚАЛУ КЕРЕК?

Көп ойлана бермеңіз, шашыңыз ағарып кетер. Тек іспен, күшпен, ақылмен, ниетпен амалға асыру керек бәрін.

Ендеше, қолыңызға досыңыз сыйлаған, сатып алған, тауып алған, шаң басып жатқан, біреу бере салған блокнотыңызды алыңыз да, осы айға жоспар жасаңыз.
Не істеу керек? не істелінбеді? Неге? осы үш сұраққа күнделікті жауап жазып отырсаңыз, біраз уақыттан соң санаңызға жатталып, «ойыншықтарыңызды» қалай лақтырғаныңызды сезбей қаласыз.

Рахмет саған, РЕФЛЕКС!

Бастысы — қорқпаңыз! Жоспарлаудан қорқпаңыз.Мынауым минусталады енді жоскы ©

Айтаберліктердің қандай жоспары бар екен? Төмендегі пікірлерге көз жүгіртіп шығыңыз:

mairosh

Қараша айында айтарлықтай жоспарларым жоқ. Бұл ай тыныш күйінде қалатын сияқты, бірақ тыныш қалдырмай өзгеріс орнатуға тырысамын ғой. Ошем, алдағы күндерімді бір Құдай білер не болатынын, тек жақсылық күтемін. Іштей сенем осы айда өмірімде үлкен бір өзгеріс болатынына, мүмкін болашақ жарымды осы айда кездестірермін)), немесе жұмысымда үлкен бір өзгеріс болар, дәрежем көтеріліп немесе айлық табысым көбейіп жатса, ол да жақсылық қой. Адам тек жақсы нәрселер ойласа жақсылықтарға жетеді, ал жаман ойласа, жамандықтарға жолығады. Сол үшін жақсы нәрсе ойлап, осы айда тек жақсылық күтейік.

rauan

Мен осы караша айынын алдыңғы апталарындағы демалыста жақсылып демалып, сосын барып тестке дайындаламын… Ал карашаның соңында туған күнімді жақсылап, позитивті түрде өткізуді жоспарлап отырмын =))
Қараша айында тек сыйлыктар күтемін =) (Me gusta)… Және де қараша айында басталған «Кока кола» жаңа жыл рекламасы басталғанына каттыыыыыыыыы куаныштымын…
Қараша айы — THE Best!!! =))

kema :

Алдағы жоспар — ғылыми жоба жазу. Мүмкіншілік болса, дисертацияма да көңіл бөлу. Садық Шерімбекпен жасалып жатқан жұмысты бір жақты ету. Және басқа да ауқымды жұмыстар да күтіп тұр. Айтпақшы, 14-қазанда ЕНУ-дің жатақханасында Әзірет сұлтан мешітінің имамымен кездесу жоспарланған. Осы айда ауа райы жақсы болса екен деп тілеймін. Бір пенденің келетінін күтем…

Жұмбақ кейіпкер:

Осы айда Алладиннің лампасын тауып алғым келеді. Қайда екен? Қайдан іздесем екен…
Біреудің "Қараша айы" болғым келеді. Біреу менің "Қараша айым" болса екен… Екеуіміз Қараша айында қосылып, осы ай өмір бойы жалғасса екен...

Ал сізді Қараша айы жоспарына кіргізіпті ме екен? Күтейік! Осы ай қуанышымен, қызықты сәттерімен, жаңа достармен, қимас кездерімен есте қалуына тілектеспін. Бәріне үлгеріңіз!

Пысы: Блокнотыңыз қайда?

Сурет, фбдағы жеке парақшаларынан ұрланды:)