1 жыл - 1 жазба

Құрметті, сайтымыздың қымммбатты достары! Мінеки, өздеріңізбен бірге әне-міне дегенше 1 жыл да өте шықты. Тағы 5 күннен соң «Айтабер» сайты 1 жасқа толғалы отыр. Жетістіктеріміз бен сәтсіздіктерімізді кейін санай жатармыз. Қазір әңгіме басқа.
Барлығымыз осы сайттың достарымыз. Иә, бұл сайттың иесі жоқ, бұл сайт сіздерге тиесілі. Осындағы админдер алғашқы қадамды жасағанымен, ешқандай қаржылық қолдау яки басқа да факторлардың әсерінсіз 1 жыл өмір сүруі өздеріңіздің арқаларыңыз, достар! Барлығымыз да өзіміздің дүниені, өзімізге жақын нәрселердің, жақын жандардың әрқашан биікте болғанын қалайтынымыз рас. Осы уақытқа дейін біздің сайтта 4000 жазба жазылыпты. Демек, әр қолданушы орта есеппен 2,5 жазба түсірген екен. Соңғы уақыттағы белсенділіктің азайып жатқанын көріп тағы да ойланамыз. Сондықтан «Айтабердің» 1 жылдығында қолдарыңызға пернатақталарыңызды алып, ұшқыр ойларыңызды жинап қазірден бастап, жоқ дегенде 1 танымдық яки еркін тақырыптағы жазба жазуға белсене кірісіп кетулеріңізді өтінемін. Бұл бәріміздің осы сайтқа деген сыйлығымыз һәм үлесіміз болсын! Қазнетті бұрын соңғы болмаған жағдайда «бомбалатып», барлық рекордты шаң қаптыралық, достар! Бұл сіздердің қолдарыңыздан келеді. Барлығыңызға сәттілік.