Статус X. Бұл жақта да өмір бар яки үйленген админнен аз-маз мастер-класс
Ең бастысы — нәски таза © Ойлардан біріРесми түрде үйленген статусын алғаныма мінеки, 1 айдан асты. Әрине, биыл үлгере үлкен тойға үлгере алмағандықтан, сырға салу, құдалығы, т.б шектелдік. Жалпы, мұндай шешімге келу оңай шаруа емес. Он ойланып, мың толғанып келеді көп жұп. Бірақ, бұл бізге қатты қиынға соққан жоқ. Мен дайын болған кезімде жарыма айттым, ол да дайын болып жүрген екен. Құдайдың қалауымен барлығы да жеңіл шешілді. Ендеше, осы соңғы 1 айдың ішіндегі өзімнің осы жақтағы өмірден көрген білгендеріммен танымдық постымда бөлісе отырайын.
1) Үйленсең босқа байланып қаласың. Жас кезде жүріп қал.деуші еді үлкен ағалар. Мұның барлығы да өтірік, негізі. Сәтсіз жанұя не болмаса, әйелімен жараса алмай якыбы, жарының қарауында қалып кеткен жігітсымақтардың айтатын сөздері екен. Керісінше, қасыңда жақын адамың болғаны, оның саған үнемі жаныңа жылу сыйлап отыратындығы өзіңе үлкен күш береді. Онымен ұрсудың өзі бір керемет дүние.
2) Өөөй, подкаблучник...деуші еді достар. Жалпы, былай. Сен үйленген соң, белгілі бір дәрежеде подкаблучник болуың заңдылық деп есептеймін. Әрине, көп ағайын, қызына көмектесуді жаңағы санатқа жатқызады. Бірақ, онда тұрған ештеңе жоқ. Хабарласып жатса, баруға тырысу керек. Өйткені ол да адам баласы. Оның да өте салмақты мәселелері бар. Өзім де, бір-екі рет осындай жағдайға тап болған соң, әйел баласының ондай сигналдарына салмақты қарай бастадым. Ощм, үйленген соң сондай боласың, бәрібір :)
3) Әйеліңе есеп беріп жүрсің ба?Әрине! Ол да заңды. Әйеліңе өзің тіптен байқамай тұрып та есеп бере бересің. Бір ағалар "әйеліңе боқтап тұрып та есеп беріп жатқаныңды білмей қаласың" деуші еді. Рас :) Кейде, ашуланған кезде, «жұмыс істеп жатқанымды көрмей тұрсың ба? Барам ғой, шыққан соң» деп ұрсып жатып, жұмыс істеп жатқаның туралы есеп беріп жатасың, ықық :) Ощм, түсінгенім әйел ағайындар қалай да болмасын сенен есеп алады.
4) Әйеліңді қалай бағындырып жүрсің?Жалпы, бұлай сұрайтындарды бірден үйленбегендердің санатына жатқызамын. Есті жарды басқаруға тырысудың қажеті шамалы деп ойлаймын. Ол, өзі-ақ сені түсінеді. Кейде «оооох, қалқатай, қалай ғана ойымды оқып қойдың» деп сүйсінетін кездер болады, жоқ жиі болады :) Кейін, әйел баласына бірнәрсені агрессия арқылы істетуге болмайды. Егер, түсіндіре алмасаң сенің әлсіздігің. Ал, әлсіздікпен күресу керек. Мысалы, көп жас отбасылардың ажырасуының басты себептерінің бірі — жанұялық агрессия. (Қарапайым, шәй қою мен нәски табудан басталады кейде көп нәрсе :)) Осындай кіші ашулар жұптың суып кетуіне әкеледі. Соңында алғашқы жолыққандағы махаббат та, жылылық та жоқ. Екеуі де кімге үйленгенін|тұрмысқа шыққанын білмей жүреді. Сондықтан, қандай жағдай болмасын тыныштық болуы керек. Максимум ұрысқа кетіп жатсаң да ажырасуға жол бермеу. Ашу басталып жатқанда орынды әзіл жақсы құрал. Өзім талай рет құтқарып қалдым :) Құрбаны да болдым. Екінші жағдайда әйелдің көңілін табу қиынға соғады.
5) Қызғаныш жағы қалай?Қызғаныш заңды нәрсе. Мен де, ол да қызғанады. Бірақ, соқыр қызғаныш өөөөттте жаман нәрсе. Сенім және адалдық бар жерде ол жойылады, әрине. Әлі күнге дейін, мектеп оқушылары сияқты әйелінен|күйеуінен әлеуметтік желідегі аккаунтының паролін сұрап, сонда отыратын жанұя өкілдері де бар. Бермей қойса, соған болса күмәнданып, пәлен-түген деп. Не керегі бар дейм да, жалпы, дұрыс нәрсе емес. Отбасы болған соң оны ұстайтын ең басты факторлардан бірі сенім және адалдық деп айтып өттім. "Әйелді ері ұстамайды — ары ұстайды" деп атамның атасы бекерге айтпаған болса керек.
6) Әйеліңнің сенің достарың және жанұяңмен қарым-қатынасы қалай?Жақсы. Жалпы, біз бір-біріміздің бірен-саран достарымызды танимыз. @Abylai біздің жақсы досымыз. Әрине, басында жаңа орта болған соң ыңғайсызданатыны заңдылық. Бірақ, сен одан бұрын достарыңа отбасыңа деген құрметіңді шын мәнінде асырып көрсет. Мен үйге кіргенде әжемнің қолын сүйіп, тағзым етемін. Мұндай құрметті көрген менің жарым, бұдан кем құрметтемейтініне сенімім кәміл. Әрине, келіншегіңнің көзінше әке-шешеңе, іні-қарындастарыңа айғайласаң, ол үшін де сенің туыстарыңның құны азая түседі. Сондықтан жарыңның көзінше жақындарыңның ешқашан абыройын түсірме.
7) Сөзімді аяқтай келе тағы бір кеңес беруге рұқсат етсеңіздер!Келіншегіңе ерік бер құдай үшін. Ол сенің затың емес, серігің. Көңілі қалаған дүниелермен айналысуы үшін сенен үнемі рұқсат сұрап отыруы міндетті емес. Оның көзқарастары үнемі сенікімен бірдей болуға міндетті емес. Сенімен үнемі келісе беруі міндетті емес. Оның да өз көзқарастары мен өмірден түйгендері бар. Ол саған ақыл айтуға, сенің де қателіктеріңді түзеуге ақысы бар. Сондықтан, еееешқашан әйеліңді өзіңнің көзқарастарыңның негізіне түзеуге тырыспа! Оның көзқарастарын дәәәл өзіңдікіндей етіп өзгертуге тырыспа! Әйтпесе, ет пен сүйектен жаралған сүйген жарың жай ғана «диван-әйелге» айналмақ.
Әрине, жоғарыдағы мысалдан бір адамның негізінде алынып отыр. Егер, өміріңде шынымен сүйген жарасатын қызды тапқан болсаң (сондай жігіт ұсыныс жасап жатса), онда тәуекелдетіп үйлен, досым. Асықпа, анааау-мынаууу деп құлақтан езе беретіндердің мысалын көріп жүрміз. Отызға келгенде кезіккенге үйлене салып, соңында іштей өкініші барлар көбісі. Бірақ түсін. Жанұя құру — жауапты қадам. Оны сақтау — бұл шын мәнінде ерлік. Ендеше, 10, 20, 30, 40 жыл бойы тату түрде ерлік жасап жүрген кісілерге қол соға отырып, аталмыш ерліктен 1 айлық стажы бар жігітке көкейлеріңіздегі сауалдарыңызды қоя берсеңіздер болады. Сұрақтарыңызға жауап беруге әзірмін.
P.S. Пост жазбағалы көп болып еді. Қол шығып қалыпты. Жалпы, бұл тақырыптың деталдарына кейін тоқталам :)
29 пікір
P.S.: Амиго, кең көңіл үшін! :beer:
Сонда да "Өөөй подкаблук" дегім кеп тұр;)))
Сендердің осындай бақытты отбасы құрғандарыңа қуаныштымын. Мәңгі жасаңдар! Вобшым, отдуши ғо, бро))
Пы/сы: тойға барғыыым келеТ
Мақала жақсы жазылған және оған сайттағы шимайлардың көмегі жақсы тиген ау деп ойладым іштен, бір отырғаннан жазылмай дәәенді), біраз дүниелер ескеріліпті…
Енді Саке? Ка қоңырау шалдым, самолетке ниеттер тілектерімен бірге артылуда, күтіп алғайсың… Енді тойларыңды күтеміз, барып қуанышты тойлаймыз құдай қаласа.
1 жылдан соң осы жазғандарынды тағы да бір қорытындылап өтерсін))))
Бұндай кеңес беріп, ой қортуға бір ай тым аз. кем дегенде бес жыл тұр әйелің мен сосын барып осындай пікір білдіріп жатсаң онда келісемін. Казір сенің албырт сезіміңмен келісу қиын. Сен ойлағандай жанұя бақыты бір айда топшылайтым мәселе емес. Ол мәңгілік дүние содықтанда кеңес беру үшін саған әлі талап тәжірбие жинау кереке.
"Әйелге еркіндік беру керек" дейсің бе? бақыла бауырым атам қазақтың мына бір дана сөзі бар "әйелді бастан баланы жастан" деген. ойлан
каап упустилатойга шакыру кайда*
БАКЫТТЫ БОЛЫНДАР!