Бар шындық осы! Басқа нұсқасы жоооооооқ!

Өзінде бәрі ғажаптың,
Көзінде көркем әдемі!
Ақиқат жалғыз —
ҚАЗАҚТЫҢ ҚЫЗЫНЫҢ БӘРІ ӘДЕМІ!!!

Иә, иә! Тап осылай. Қазақтың қызының сұлулығына тең келер, таласар дүние жоқ! Сұлу десе көз алдына 170 сантиметрден асатын бой, 90-60-90 дене бітімін, ботадай көзі, найзадай кірпіктерін қағып тұрған, шиедей ерні, сүйріктей саусақтары, ақ құба терісін, иығынан төгілген қою шашын елестетіп отырсыз ба? Ендеше қателестіңіз! Басқа қандай сұлулық болуы мүмкін дейсіз бе? Мүмкін. Бәрі де мүмкін. Жоғарыда айтқандарымнан да асқан сұлулық бар. Ол мынадай. Ең әуелі қазақ қызы мейірбандылығымен сұлу. Сосын, ізеттілігімен сұлу. Нәзіктігімен. Қамқорлығымен. Ақылдылығымен. Қазақтың қызы бір ғана ауыз сөзімен ешқандай да қалың тон, шапан, қалың көрпе де, тіпті жанып тұрған от та жылыта алмас көңілді жылыта алады. Бар болғаны жылы сөзін айтса болғаны. Немесе қазақтың қызы қараңғы бөлмені, кез келген қараңғы түнекті жарқырата алады. Сәуле шаша алады. Ол үшін жәй ғана күлкісі жетіп жатыр. Айналаның бәрі жарқырап, жадырап қалады. Ал, қазақтың қызы ас әзірлесе қолыңмен жеп отырған асыңның соңынан саусақтарыңды қосы шайнап жіберуге болады. Рас айтам. Ал, ол ән салса дүниедегі барлық тірлік ұмыт қалады. Атыңды да ұмытып қалуың мүмкін. Так, что байқа))) Қазақ қызынан өзге төзімді қыз болмайды. Оның төзімділігі шойындай. Болаттай берік. Тастай түйін. Онша-мұнша соққыға шайқалмайды. Соққы бергеннің өзі ұшып кетуі ғажап емес. Айта берсем бітпейді… Бұл сұлулықтың ақыры жоқ. Бұл сұлулықтың теңі де жоқ. Оны тек көру керек. Сезу керек. Сүйсіну керек. Бағалау керек. Кез келген қыздың, қазақ қызының бойында сұлулық та салқындық та, сабырлық та шыдамсыздық та, даналық та ақымақтық та, батылдық та қорқақтық та, сезімталдық та салқынқандық та, парасаттылық та таяздық та табылады. Қайсысын бірінші оятсаңыз соның рахатын, дәмін татасыз. Ерік, қалау, таңдау өзіңізде.
P.S. ҚАЗАҚТЫҢ ҚЫЗЫНЫҢ БӘРІ ӘДЕМІ!!! Қайда барсаң онда бар! Бітті!