Жаңбыр

Көңіл-күйді жоғалтып шуақ тұнған,
Жаңбыр емес.
Мен едім жылап тұрған.
Ішкі сезім жаңбырмен үйлесіп тұр,
Жанымды қырық жамау құрақ қылған.

Тағдыр мынау, аямай сынап тұрған,
Жанарды жаңбырлатып жылаттырған.
Дәл қазір жұбата алмас сол жаңбыр да,
Көңлімді қырық түрлі сұрақ тұрған…

Бұлттармен бір секілді менің мұңым,
Аспанмен астасып тұр көңіл-күйім.
Сырымды бұлттар ғана ұғатындай,
Жағдайым дәл осындай менің бүгін…

* * *
Бұлттың жасы тамады көктен міне,
Тамшымен шомылдырар бөктерді де.
Адамға мұң сыйлайтын сияқты ма?
Күзгі жауын ұқсамас көктемгіге.

Жауын төкті.
Әсері аз ба, сірә?
(Осылай сезілгендей өз басыма).
Бізбенен қимай-қимай қоштасатын,
Бұл әлде, Қыркүйектің көз жасы ма?..

29.09.2013.