Көк бөрінің ұрпағы едік біздер!

Бойында тасып жатқан қайраттылық,
Қанында қайнап тұрған айбаттылық.
Алыспай беріспейді ызаланса
Жауларын тастайтын жайраттырып.
Көк бөрінің ұрпағы едік біздер!

От жұтып, қызыл шоқты тістеп жүрер
Төзімдері темірдей мықты келер.
Ашуына мінгенде торнададай
Жердің бетін астаң да кестең етер.
Көк бөрінің ұрпағы едік біздер!

Айдаһар да, аю да бас иетін
Тынығып күндіз, түнде жортып жүретін.
Әлін білмей әлектенген дұшпанға
Тұтқиылдан шабуылдап келетін.
Көк бөрінің ұрпағы едік біздер!