Сабақ 9. Функциялар

Мектеп бағдарламасы y=x^2 функциясын еске түсірейік. «Американский горки»-ге ұқсаған бір сызық болушы еді ғой) (Графигі) Есіңізге түскен болса, мұндағы x — функцияның аргументі, y — функцияның мәні деп аталатын. y-тің мәнін x-ке мән беру арқылы анықтайтынбыз. Бағдарламалаудағы функциялар да бір мәндерді қабылдап, бір мәндерді қайтарады.(Ешқандай мән қабылдамай, ешқандай нәтиже қайтармауы да мүмкін. Жай бір кодтарды орындап шығады.) Қабылдайтын мәндерді(аргумент) — кіріс параметрлері, Қайтаратын мәндерді(функциянің мәні) — шығыс мәні деп аталады.
Мысал. Кіріс параметрі ретінде санды қабылдап, сол санның квадратын қайтаратын функцияны құрыңыз. (у=x^2)

package esep1;
import java.util.Scanner;
public class Esep1 {
    public static void main(String[] args)  {
            Scanner sc = new Scanner(System.in);//бұл жігітпен бұрын танысқанбыз
            float san = sc.nextFloat();//бұл жолда бізге таныс, san-ға мән беріп жатырмыз
            float s = Square(san);//s айнымалысына Square функциясының мәнін беріп жатырмыз.
            System.out.println("s="+s);
       }
    private static float Square(float a){
        float result=a*a;//result-функцияның шығыс мәні
        return result;//return - қайтару
        }
}

Үйге тапсырма
1. Екі санның қосындысын есептейтін функция(яғни, екі кіріс параметрі болады)
2. Сөзді кері жазатын функция
3. Координаталар жүйесінде екі нүктенің ара қашықтығын есептейтін
4. Герон формуласы арқылы үшбұрыштың ауданын есептейтін функция
5. Квадраттық теңдеудің түбірлерін табатын функция
6. Текстте қанша сөз, қанша әріп бар екенін есептейтін функция