Үзілген үміт
Сап-сары жапырақтар…Мұқағали Мақатаев.
Сал-сары жапырақтар…
Саудырап құлап жатыр атырапқа.
Біреудің жанарында,
Біреудің табанында,
Сап-сары жапырақтар жоғалуда.
Қаусаған қаңқасы тұр ағаштардың,
Жасыл бақ тоналуда, тоналуда.
Жапырыққа жасыл түс беретін зат хлорофил деп аталады. Салқын түскен кезде жапырақтағы хлорофилл жойылады.
Жапырақтың түсуі — өсімдіктің эволюциялық дамуында әр түрлі қолайсыз жағдайға бейімделуі, яғни күзде күн суытып топырақ құрғаған кезде тамырдан өсімдікке келетін ылғалдың азаймауынан және қыста қалың қар жауғанда өсімдік бұтағының сынып кетпеуінен сақтайды. Күзде күн суытып, топырақ құрғаған кезде Жапырақтағы фотосинтез процесі бірте-бірте әлсірейді. Жапырақ пен сабақ арасындағы зат алмасу тоқтайды. Жапырақ сабағы түбіндегі клеткалар ыдырап, ажырау қабаты пайда болады. Бұл кезде Жапырақ сабаққа әрең ілініп, өзінің салмағынан, жел, жауын әсерінен үзіліп түседі.
@Estetika9:
Өсімдік өсу үшін су керек. Ыдыстағы гүлге бірнеше күн су құймасаңыз, сола бастағанын көресіз, адамдар да сол сияқты, назар аударғанды күтеді…
Соңғы жапырақ. Сабағын қимай тұрған жапырақ, бәлкім. Ұстасаң, түсетіні анық. Басқа жапырақтар сияқты емес. Төзімді екен. Жақында жауған алғашқы қарымызға да төтеп беріпті бұл «кісі».
Адамдар да солай. Бір кездері жақсы араласып, әбден бауыр басып қалған соң қоштасу сәтінің жақсындап қалғанын сезгенде ерекше бір сезім билейді бойыңды. Осы кезге дейінгі бірге өткізген кездер, қызықты оқиғалар секундына 24 кадр емес, 42 кадр, әр түрлі ракурста көз алдыңнан еріксіз бітпейтін түрік кинолары сияқты өтіп жатады, өтіп жатады. Тап сол сәтте бұрын қазіргіден бақыттырақ, бақыттырақ емес-ау, бақытты адам болғаныңды сезінесің. Өткен күндерге қайта-қайта қарап, алға қадам баса алмай, бірақ сандырақтап барып есіңді жинайтының тағы бар… Әркімде әрқалай. Біреулерде мұндай процесс бір апта, енді біреулерде екі ай, тіпті екі жыл, төрт жылға жалғасуы мүмкін шығар?
Оо, настольджимен өмір сүретіндерді түсінбеймін. Әрине, кейде/жиі өткеніңе мойныңды бұрып, шүкіршілік айтуға не жетсін?! Бірақ қайтып келмейтін дүниеге соншама уақытыңды кетіріп, көңіл-күйіңді түсіріп, айналаңдағыларға негатив әсер қалдырудың қажеті жоқ. Барлығы орнымен болғаны жақсы, меніңше.
Не айтып жатыр едік?
Осы тұста мектепте әдебиеттен сабақ берген апайым есіме түсіп кетті. Жаңа орта, жаңа сыныптастар, жаңа мектеп, жаңа мұғалімдер… (енді сондай ғой жаңа дейді) Сол кісінің сабақ өту тәсілі басқалардікі сияқты емес еді. 45 минут отырмайтын. Сабақ жүргізу әдісі де басқаша… психологпен әңгіме жүргізгендей болатын едік…
Физикадан берген апай, керісінше, қатал. Бір күлмейтін. Сабақ айтуға қорқатынбыз,
Міне, кез келген адамға осы екі әсердің біреуін қалдыруың әбден мүмкін, немесе керісінше. Егер адамға бір жолмен әсер қалдыра алмасаң — әлсіздігің. Жетілу керек. Іздену керек. Адамдармен санасу, оларды түсіну — қиын емес түкте,
Мұның бәрі жолда кездескен жапырақтан алған әсер. Лайым, бауыр басқан жаннан ешқашан айырмасын. Өміріңіздің «күзі» — жапырағыңыздан айырылатын кез алыстасын сізден. Ол үшін фотосинтез процесін үздіксіз жүргізетін күн — түсініспеншілік, махаббат, құрмет әрқашан жүректеріңіздің төріне жамбастап алсын. Жапыраққа түс беретін — хлорофилл — қуаныш сыйлайтын сәттер (күнделікті бір-біріңізді қуантатын дүниелер (смс, қоңырау, сыйлық, хат, тосын сый) жиі болсын. Өміріңізге рең беретін осы титтей қуаныштардан құралатын сәттер емес пе? Ендігі қалғаны — әрекет! Сәттілік, досым!
ПЫСЫ: жарты түндегі ой...
уикипедиа аман болсын!
54 пікір
Шаңыраққа қарай отырыңыздар.арине, қазіргі танда озіндік орны бар, бірақ аса манызды емес«Есть такие люди, которым можно не писать, не звонить, не говорить, а они все равно будут самыми близкими...»
(аударып көрермін қолымнан келсе, сосын осында салам ғой)
(постта басқа көрініс, ал пікірде басқа)«До этого дня я не жил, а выживал» деп жаңа өмір бастағандай әсерде қалдым, тағы да.
Әсерлі болды, ой салды, рахмет.
Жалпы жапырақта хлорофил дәні оған жасыл түс береді. Ал суық мезгілде ол жойылып кетпейді. Жапырақ күзде ағаштың бойындағы артық қалдық заттарды бойына жинап зат алмасу яғни анаболизм процессі арқылы зат алмасып түсіп қалады, сонда жапырақтыңң түсіп қалуы бұл ағаштың зат алмасқаны болып тұр. Есесіне жаңа жапыраққа орын босатады. Осы күзде сіздің осы жылғы өкініш, мұң, қайғыларын өзімен бірге ала кетсін.
Көктемге асығып.
Ең соңғы жапырақ құлайды,
Бұтаққа асылып.