Қазақстан және Ғарыш

Ассалаумағалейкум Айтаберліктер мен оның қонақтары!!!!

Сіздердің назарларыңызға ұсынайын дегенім, Қазақстанның бүгіні мен ертеңгі болашағындағы ғарыш саласы болмақ.

Қазіргі заманда Қазақстан алпаут елдермен санаса алатын, терезесі тең дәрежелі елдер санатына кіре бастады. Осыған лайық тәуелсіз еліміз, кез-келген дамыған елдер сияқты, өзінінің ғарыштық бағдарламасы болу керек.

Ғарыштық бағдарламаның бізге қандай пайдасы бар? Оған төмендегідей жауап беріп көрелік:

1. Ғарыштық бағдарламалар біздің күнделікті қолданыста жүрген байланыс саласының сапасын арттырып, тарифтік салада халыққа ыңғайлы бағада ұсыныс беруі;
2. Жаңа ғылыми белестерді меңгеру;
3. Жастарды ғылымға тарту;
4. Қазақстанның әлемдік ғарыштық алпауыттар арасына ену;

Әрине еліміздің қамын ойлап, түн ұйқысын төрт бөліп жүрген басшыларымыз қарап отырған жоқ. Қазіргі таңда Қазақстан Ұлттық Ғарыш агенттігі құрылып, оның қарамағына көптеген компаниялар бар десек дәл айтқанымыз. «ҚазҒарыш» агенттігінің болжамы бойынша 2017 жылы Қазақстан өзнің ғарыштық аппараттарын шығарып, 2020 жылға қарай ғарыштық аппараттарды өндіру мен жобалау және зымыранды техникаларды жіберу технологиясын меңгереді деп есептеуде.

Ал енді елімізде қанадай ғарыштық бағдарламар орындалып жүр? Айта кетер болсақ, алпауыт жобалар тізбегі төмендегідей:

1) Ғарыш техникасының арнайы конструкторлық-технологиялық бюросының Құрастыру-сынау кешенін құру

Бұл кешеннің негізгі мақсаты – ғарыш аппараттарын жобалаудың және өндірудің өзекті мәселелерін шешуге қабілетті қазіргі заманға сай жоғары технологиялық кәсіпорын құру.

БК өндірістік бөлімшелер құрамына мыналар кіреді:

— ғарыш аппараттарын құрастыру және сынау жөніндегі тұйық циклді қамтамасыз ететін құрастыру-сынау кешені;
— барлық жобалау-конструкторлық жұмыстарды жүргізуді қамтамасыз ететін конструкторлық бюросы;
— ғарыш аппараттарының жекелеген құрасдауыштарын жасау үшін өндірістік учаскелер.

Ғарыш техникасының арнайы конструкторлық-технологиялық бюросының Құрастыру-сынау кешенін құру мынадай міндеттерді шешуге мүмкіндік береді:

• Ғарыш аппараттарын өндіру саласындаєы халықаралық байланыстар мен ынтымақтастықты дамыту және нығайту;
• Отандық ғылыми-техникалық, өндірістік әлеуетті дамыту, еліміздегі ғылыми-технологиялық және білім беру деңгейінің жалпы өркендеуі;
• Қазіргі ғарыш технологияларының трансфертін;
• Түрлі халықаралық жобалар мен кооперацияларға қатысу арқылы әлемдік ғарыш бірлестігіне ықпалдасу.

Жоба Астана қаласында іске асырылып жатыр

2) Қазақстан Республикасының жоғары дәлдікті спутниктік навигация жүйесінің жерүсті инфрақұрылымын құру

Жобаның мақсаты – Қазақстан Республикасының тұтынушылары сапалы координаттық-уақыттық және навигациялық қызметтерді кепілді алу үшін жағдайлар қалыптастыру

«Қазақстан Республикасының жоғары дәлдікті спутниктік навигация жүйесін» қолданудың негізгі салалары:

• ғаламдық жалпылама ауарайы навигациясы;
• көлік ағымдарын басқару;
• маршруттарды, жерүсті басқару жүйелерін оңтайландыру;
• жолаушылар қауіпсіздігін қамтамасыз ету;
• картаға анық түсіру және геодезия;
• жерге орналастыру және кадастр;
• құрылыс жұмыстарын қамтамасыз ету;
• іздеу-құтқару жұмыстарына уақытты төмендету;
• ауыл шаруашылығы;
• ұлттық қауіпсіздік;
• және басқа.

Жоба Астана және Алматы қалаларында іске асырылып жатыр

3) Ең үлкен жобалардың бірі «Байтерек» — космостық зымыран ұшыру кешені

Қазақстанның жыл сайын орта есеппен түрлі кластағы 20 ракета-тасушы ұшырылатын әлемдегі ең ірі және технологиялық қуатты «Байқоңыр» ғарыш алаңы бар. Әлемде бірде-бір ғарыш алаңы бүгінде мұндай белсенділік қарқынмен теңесе алмай отыр. Және-де бүгінгі таңда Қазақстан алдында ресейлік серіктестермен бірлесе отырып ұлттық ғарыштық ракеталық кешен құру және «Байқоңыр» ғарыш алаңының мүмкіндіктерін әрі қарай Қазақстан мен Ресейдің ғарыштық бағдарламалары мүддесіне пайдалану жөніндегі стратегиялық міндеті тұр.

ҚР Президенті Н.Ә.Назарбаев пен РФ Президенті В. В. Путиннің 2004 жылғы бастамасының арқасында, бұл маңызды міндет «Бәйтерек» ғарыштық ракеталық кешенін құру бойынша Ресеймен бірлескен жобасынан өз жоспарлы шешімін тапты.

«Байтерек» қазақстан-ресей бірлескен кәсіпорыны» АҚ осыған аттас жаңа дәуірдің ғарыштық ракеталық кешені құрылысының бас операторы болып табылады, оны құруға «М. В. Хруничев ат. МҒҒӨО» ФМБК ресейдің жетекші ғарыштық кәсіпорыны және бірнеше қазақстандық өндірістік компаниялар ат салысты.
«Бәйтерек» БК, АҚ миссиясы қазақстандық ғарыш бағдарламасын жүзеге асыру, ғарышқа тәуелсіз қолжетімдік алу, ұлттық ғарыш саласының негіздерін қалыптастыру және отандық білікті инженерлік-техникалық кадрлар дайындау үшін қолайлы мүмкіндіктер туғызатын «БӘЙТЕРЕК» ҒРК жаңа дәуірдің ғарыштық ракеталық кешені құрылысын және оны әрі қарай пайдалануды үйлестіру болып табылады.



Жоба Байқоңыр қаласында іске асырылып жатыр

Әзірге осы үш жобаны жаздым. Ал қалған басқа да жобаларды келешекте толығымен жаза түсуге тырысам.

Пы/Сы: Мәләметтер әр түрлі сайыттардан алынды. Бірақ түпкілікті ой өзімдікі))))