Ішіп-жеу үшін өмір сүрмей, өмір сүру үшін ішіп-жеңіз

Тамақ! Тамақ! Тамақ! Ол адамдар үшін шын игілік шығар, сонымен бірге, қарғысқа айналуы да ықтимал. Артық ас адам ағзасына үлкен зиянын тигізеді. Күндердің күнінде ас қорыту жүйесі шамадан тыс жұмыс істеуін тоқтатады. Оның салдары сұмдық қорқынышты.
Ас қорыту жүйесінің ауруы — қазіргі адамның қамсыздығының жемісі. Мұндай аурулардың сала құлаш тізімдерінің ең басында іш қату ауруы тұрады. Ішекке қордаланған улы қалдықтарды сыртқа шығару мақсатымен өндірісте тонналап пилюль, ұнтақтар мен микстурлар өндіріледі. Қазіргі өркениетті адамның тамақты көп тұтынатыны сонша, оны ас қорыту мүшелері қорытуға, дәрет мүшелері қалдықты сыртқа шығаруға үлгермейді. Мұның өзі ресурстарын тауысып біткен автомобильді жеделдете жүргіземін деумен бірдей әрекетті еске түсіреді. Іштің қатуы көптеген аурудың себепкері екеніне дауласудың жөні жоқ.
Дәлел келтірейін. Шамалы тәжірибе жасап көріңіз. Түстік тамағыңызды әзірлеңіз. Бірақ ішіп-жемеңіз. Асты қазанда қалдырыңыз. Оны 38 градустық температурадағы (шамамен ішектің температурасы да осындай) суға салып қойыңыз. Температураның төмендемеуін бақылаңыз. Сөйтіп сегіз сағаттан кейін тамағыңыздың не күйге түскенін көріңіз.
Ең алдымен мұрныңызға сасыған ауыр иіс келеді. Ас ашып, газ бөле бастайды. Газ қысымы адамға көптеген ынғайсыздық туғызады. Қыса-қыса жүрек талмасына, басқа да ауруларға соқтыруы мүмкін.
Астың дәл осындай мөлшері ішіңізде аши бастаса, басыңыз бен басқа да мүшелеріңіз ауырады.
Тоқ ішекте қорытылмай қалған ас қалдығы бактериялардың өсіп-өнуіне жағдай жасайды. Сөйтіп, қаптаған жауымызды ағзамызда өзіміз өсіреміз.
Ішіңіз қатса — сауықтан пайда болған ауруыңыздың да қоздырғыштары көбейтеді.
Артық тамақ пен зиянды астың көбеюі салдарынан пайда болатын улы қалдық ағзаның аса маңызды бауырды жаралауы ықтимал. Бауыр бірнеше міндетті атқаратын шын мәніндегі химиялық зертхана(лаборатория). Ол өт бөлуші ғана емес, ағзаның негізгі тазартқышы. Бауыр мен ішек ас қорытудың бір тұтас процессінде әріптес. Біреуіне қауіп төне қалса, екіншісі дереу көмекке ұмтылады. Қауіп жиілей берсе мүше бұзылады. Бауыр мен ас қорыту жүйесінің қызметі бұзылғанда, адам едеуір қиындыққа ұшырайды. Іші қатқан адамның бауыры ауруының, басқа да мазасыздыққа душар болуының себептері бар.
Әрине, ашығу үстінде мазаңыз кетеді. Бірақ, зиянды қалдықтан арыла бастағанда, көңіл күйіңіз жақсара түседі.

Үш күндіктен гөрі жеті күндік ашығудың соңы жағдайыңыздың жақсырақ екеніне назщар аударыңыз. Демек, денеңізге дерт тарататын улы қалдық екіншісінде көбірек шығарылады. Он күндік ашығуды аяқтағанымда, өзімді бұрынғыдан күштірек сезінемін. Ағза тазарған сайын қуат та арта түседі. Сондықтан, ашығудың бас кезіндегі қиындыққа тістене шыдаңыз да — күліңіз.

Пол Брегг,
өмірді ұзарту жөніндегі маман.