Ата өсиеті (ер жігітке арналған)
— Ата, ер жігіт қандай болу керек?
Бір сырлы болсын жігіт сегіз қырлы,
Сақтасын жұртқа шашпай асыл сырды.
Келеді ең әуелі әнге қосқым.
Ән мен күй жақсы әнгіме, өлең жырды.
Екінші болу керек жігіт көпшіл,
Кең пейіл болған дұрыс, болмай кекшіл.
Біреуді алыс, біреуді жақын көрмей,
Жұмысы болсын тегіс әлеуметшіл.
Мінезі болсын жұмсақ сары майдай,
Дидары болсын ашық жарық айдай.
Майда сөз, жылы жүзді келсін жігіт,
Жақсылық өн бойына дарығандай.
Қыр досы болсын оның сырласқандай,
Бел шешіп берекелі силасқандай.
Көңілін көтерерлік шын дос болсын,
Набада қалса оны қыр басқандай.
Болсын да туған елге әр кезде жақ,
Жігітке сыналар кез дәл осы шақ.
Еліне шын пейілмен көмек етсе,
Кетпейді одан алыс абырой, бақ дегеееен балам.
— Ата, адам неге жылайды?
Еее балам, есіңде болсын, өмірде адам алты рет жылайды:
1. Нәресте өмірге неге келгенін білмей жылайды.
2. Өмірде қиналып-қиындықтан құтыла алмай жылайды.
3. Жақыны қайтыс болғанда жылайды,
4. Ойнап жүрген бала біреуден таяқ жесе жылайды.
5. Досы жоқ, жалғыз қалғанына жылайды.
6. Қасына көп жеңілгеніне жылайды — балааам.
Атаның ұлы — Ертай Ақылбекұлы
Дерек көзі: «Көп жаса» газеті (№4)
7 пікір