Ақтауға астаналық көзқарас

“Басы қатты болса, аяғы тәтті болады” дейді. Алдымен, кем тұстарын жаза кетейін. Ақтауда айтарлықтай 3 мәселе:

Су

Көше тазалығы

Аталар

Астанада да суды сатып алып ішетінбіз, бірақ, бізде әр жерде литры 5-10 тг аппараттар, одан қалса WaterLife, Хрусталь секілді суды тазартып сататын компаниялар бар. Мұнда жақын маңнан таппадық, 5л 240 тг алуға тура келеді. Бұл – ауыз су. Жуынатын су таңмен ауыз шайғанда бір түрлі дәм келеді. Жалпы, келгелі бірнеше рет душқа түсіп алдық. Ақсайдың суынан жақсы екен, болады)

Алғашқы күні түнде “біздің қала тазааа” деп таныстырып келе жатты, сол кездің өзінде асфальтсыз тратуарда келе жатқанбыз. Мен үшін қаланың ең үлкен кемшілігі осы көшелер болды. Арнайы суретке түсіргенім жоқ. Қасымдағы жолдасыма өзімнің жылауық екенімді көрсетіп қойдым ау дим)) Ақыры көніп келем, өз-өзімді сыйлау дәрежем күннен күнге түсіп келеді. Аяқ шаң-шаң, сүрініп-қағынып, бастапқы кезде аттап-аттап таза жерлермен жүретін ек, қазір “Мына жер тратуарға ұқсайды екен” деп баса беретін болдық.

Және бір мәселе – аталар. Жергіліктің халықтың айтуы бойынша Ақтауда 362 ата бар екен. Олардың басында тілек тіленіп, құрбандық шалынады екен. Бұл ырымдардың ислам дініне еш қатысы жоқ. Бұл менің сөзім емес, барлық мешіт имамдары, т.б. діннен хабары кісілердің бәрі растайды. Сондықтан, осында келіп жүрген мұсылман кісілерге осы жайлы нақты жеткізілсе екен деп тілеймін.

Ал, енді жақсы жақтарына тоқталып өтсек:

Қазақша

Алғаш келген түні Ақтау жастарының ортасында кеште болдым. Бәрі қазақша жібереді әңгімені. Арасында біреу орысша сөйлесе, “понт” сияқты көрініп қалады екен. Жастар қазақша сөйлесе, ары қарай да қазақша болады, ақтаулықтар барда қазақ тілі өлмейді ИнщаАлла!) Магазин, ресторандарда әдейі қазақша сөйледім))

Кездесу пунктінде түрік шәйін ішіп отырмыз

Қонақжайлылық

Абылаймен Блогкемп 2012-де танысқан болатынмын. Ақтауға келгелі 2-ші рет көруім. Күн-түн демей, қыдыртып, демалыс күні үйіне Өзенге, кейін ата-әжесінің үйі ауылы Сенекке қонақ қылған ақкөңіл амигоға не тілесем болады?! Аман бол, көздеген мақсаттарыңа жете бер. Қысқа ғана ғұмырымызды нағыз жолдастар болып өткізейік. Барлығы үшін рахмет.


Оох, өмірімде шұбатты осылай тойып ішпеген шығармын)

Шыны сол, қанша жерде болсам да, дәл осындай қонақжайлылықты көрмеппін. VIP қонақ болдық) Үйден үйге кіріп жатырмыз, қай жерде де “Төрлетің, тамақтан алың”. Алдыңа ет, шұбат. Қолыңа жастық. “Қисайып жату” деген де бар екен. Біраз үйреніп алдық. Ақыр соңы, қонақ болу жаға бастады не керек)

Одан басқа Айтабердің және бір қолданушысы Есболат ағамыздыкінде қонақта болдым. Қазақ ИТ-нің жанашырларының бірі, көптен бері қызықтырып, жүздесу арман болып жүрген Тимур Бектұр ағамызбен де кездестім. Ниеттеріңізге рахмет!

Қазақы тәрбие

Анашым бұрындары “қыз алсаң, батыстан ал” деп жататын. Бір барғанда бір қызға атастырып қайтыпты, “қара торының әдемісі, хат жаз, хабарлас” деген. Ол кезде “қара” дегеннен-ақ)) Әлі күнге дейін дейін “қара торының әдемісін” елестете алмайды екем… Рианна?)

Ақтаулықтар дөрекілеу болғанмен әйел кісілердің тілдері жұмсақ секілді көрінді. Сыпайы мінез, нәзік, сабырлы… Енді біз жақтың Астана, Алматының қыздарынан айырмашылық көзге ұрып тұр. Қайтқанша ойымды өзгертетін оқиға болмаса, ИнщаАлла осы жақтан алуға тырысармын.

Жалпы, адамдары бөлек бұл жақтың.

Өзге де қызықтар

Әлбетте, Каспий! Ақтаудың ең басты байлығы. Теңіз көру арманым еді. Біз тоқтаған үйдің терезесінен көрініп тұрады. Әттең күн салқындау түсуге. Жағалауды кезіп тоздырдық. Жағалаудағы жартастар, “ракушкалар”, толқын – бәрі қызық. Толқын кеп, жағалауға соққанда қорқып кетеді екенсің.


Сені іздеп арманым, Каспийді шарладым:)

Қалада жасыл аз, оны түсінуге болады. Ауа-райы жазда ыстық, шөлейтті жер. Жерасты суы өте тереңде, жер бедері кемінде 4-5 метр құм болса керек, бау-бақша шығу ықтималдығы аз. Түйе көп екен. Және Қарақия каньоны, “домалақ” тастар, бархан құмдар, “ерекше” төбелер, гектар гектар мұнай алқабы(“качалкалар”). Сөзбен жеткізу қиын, оны барып көру керек, өкінбейсіз. Абылайға түссеңіз, 2 есе өкінбейсіз))


Абылайдың ауылы


Бархандағы бархандар)


Ауылдың барханға қарсы жақ беті осындай мраморный тау


Қарақия


Осындай бір качалканы қалай иеленсе болады? Қатты ұнап қалды.


Мұнда біз болдық.

Сол, Ақтау керемет әсер қалдырды. Жаздыкүні теңіз түсіп, ыстығына күйгім келеді. Қош, Ақтау, көріскенше!!!

Өзге суреттерді ФБ парақшамда көре аласыздар. https://www.facebook.com/ereke.enu
Дереккөз: http://erekeenu.wordpress.com/2013/11/05/aktau/