Дәл қәзіргідей уақытта Астана күні тойлануы орынды ма?

Еліміздің бір аймақтары түгел құлаған ғарыш кемесінің кесірінен уланып, келешек қалай боларын білмей, дел-сал күйде отырғанда, екінші бір аймағында түк болмағандай той тойланып жатқаны қалай болар екен? Әлде сол тойда секектеп би билеп, көмей жыртып ән айтып жүрген жұлдыздарымызға бәрі-бір ма? Тым болмаса солардың ішіндегі Қызылордалық жұлдыздар той тойлаудан бас тартса болмас па еді? Болмаса оларда ел, жер мүңы деген түсініктер жоқ па? Акедемик аталарымыз Астана қаласының атын Нұрсұлтан деп атайық дегеннен көрі, бұл күнді қайғылы күн деп жариялайық, сол арқылы орыстарға протест жариялайық деуге ақылдары жетпегені ма? Сонда олардың акедемиктігінен халыққа не пайда? Осы уақытқа дейін Елбасшымыз неге халыққа дұрыстап түсінік бермей отыр, әлде туған күн тойлаудан қолы тимей жатыр ма? Көрші қырғыздар кәдігімгі ұшақ майынан жеріміз уланды деп ауызы алты қарыс америкалықтарды қуып отырғанда, біз қазақтар орыстарға бір ауыз сөз айта алшмағанымызға қорланбаймыз ба? Кенесары бабамның түсі анық келіп кешегі жолбарыс қазақ ұпақтары бүгін құрт-құмырысқа, бақа-шаянға айналғанымыз ба? Сұрақтар жанымды жегідей жеуде ағайын, не істейміз? Бұл сұрақтардың жауабын кім береді?