Үйімде едім.Әдеттегінше түс мезгілінде ұйықтап жатқам.Күн ыстық.Үй алдына көлік тоқтаған дауыстан оянып кеттім, шығып қарасам көршім әрі сыныптасым Санжар екен.Екі езуі екі құлағында, мәз.Әкесінің көлігін үйден ұрлап шыққанын мақтаныш көретін сыңайлы.-Жүр қыдырып қайтайық,қасымда серік болып отсаң болды,-деді.Аяғым тартпай тұрғаны бір бөлек нәрсе оның үстіне ұйқымды да аша алмай отырмын.Сағатқа қарасам үш жарым болыпты.Амалсыз досымның сөзін жерге тастағым келмеген соң көлікке отырдым.Рөлге отырғаннан бастап жын ұрған адамдай көлікті құйғыта жөнелді.Көлікке отырғаныма өкіндім.Жайырақ жүр деген созіме құлақ аспады.Ауылдан едәуір алыстап кеткен кезіміз, ал Санжар болса музыканы мейлінше қатты қойды,қауіпсіздік белдігі есінен де шығып кеткен.Спидометр тілі жүз отызға тиер тимес.Неге асыққанына таңмын.Жетер жеріне жарты сағат кейін барсада жарты сағатқа бола бүкіл өмірін қауіпке тігу ақылға сыйымсыз.Осылай ой құшағында отқанымда Санжар зымырап келе жатықан еді.Бала емес пе, көлік жүргізуге әлі аяқ-қолдары жаттықпаса керек, алдымыздағы көліктен басып озам деп жолдың шетіне шыға бергені сол еді жол шетіндегі шұңқырлардан рөл икемге келмей Санжар сасқалақтап жол шетіде тоқтап тұрған жүк көлігінің астына кірді де кетті.Тарс еткен дауыс, мен бұғып қалдым.Бір сәт жаңағы ұйқымнан әлі оянбағандай сезіндім.Не өлі не тірі екенімді де сезе алмадым.Көзімді ашсам жол шетінде жатыр екем, адам коп, су сеуіп оятыпты.Көліктің сау тамтығы жоқ, Санжарды іздедім дереу.Отыр екен, аман.Ішімнен күбірлеп Аллаға санзыз шүкір дедім.Қалай аман қалғанымызға екеуміз де жиналған жұртта аң-таң.Көлік мүлдем жарамсыз күйге түскен.Бұл оқиға мені ұйықтап жатқан жерімнен оятқандай болды."Қазаққа ислам, имам керек, кісі өлгенде немесе түс көргенде" деген сөз есіме келді.Бетіндегі әйнегі сызат-сызат болған сағатыма қарасам, төрт болыпты.Санжар досыма қарасам егіліп жылап отыр,әкем ұрсады деп.Үндемедім.Мен әлдебір жаққа асыққандай болдым.Өзімді өте жеңіл сезіндім сол сәтте.Ия үйге асығыппын.Намаз оқуға.Маған әрі қарай да құлшылық ету үшін өмір берген Рахман Аллаға сәжде етуге.Ұлы Раббымның әмірін орындауға асықтым.Мен осы жарты сағатта Алла Тағаланың құдіреттілігін анық ұқтым.Ия маған жарты сағат жеткілікті болды.Құдді бір дәл қазір өліп қалатындай алда келер көптеген жарты сағатым тағыда болса екен деп ойладым.Маған уақыт пен өмірдің қадірін ұқтырған сол жарты сағат.