Пенде болсаң несі бар?

Әдеттегідей әлеуметтік желіде саяхаттап жүріп, өзіме керекті деген ақпараттармен танысып жатқанымда осы видеоны да көріп өзіме көп ғибрат алдым. Көп сабақ алуға болады…


Таудан биік секілденіп талғамың
Ардан биік секілденіп арманың
Пенделікпен ұмытасың тәубеңді
Сынағына шыдай алмай Алланың.

Ай мен күнге өктіргің кеп шекеңді,
Көлгірсейсің көрмедім деп шетелді.
Тәубеңе кел! Шетел түгіл зағиптар,
Көре алмайды өзі туған мекенді.

Тәубеңе кел! Пенде болса несі бар?
Сабырсыздар қадірсіз боп тосылар.
Дүниеге қолың жетпей қалғанда,
Қос қолы жоқ пенделерді есіңе ал.

Бақыт мәңгі тұрсын десең басыңда,
Қанағат қыл, ашуланба, тасынба.
Көлігім жоқ деп ренжуің бекерлік,
Аяғы жоқ адамдардың қасында.

Әркім айтқан құлақ түріп пікірге
Бой ұрасың бей-берекет күпірге.
Тау мен тасқа соға бермей басыңды,
Аман есен жүргеніңе шүкір де!
(Мейіржан)