Аманат

«Аманатқа қиянат болмасын» осындай дара сөзі бар, дана халықымызда. Ислам шариғатында да аманат ұғымы терең мағынаға ие. Қашаннан адамзат тарихында,қоғам арасындағы қарым-қатнаста да өзгенің аманатын мойына жүктеген адам, ерекше назарға ілігетін болған. Аманат өзгенің басқаға сеніп тапсырған дүниесі. Аманат есебінде тапсырылған кез-келген дүние үлкен не кішкентай, заттай немесе затсыз болып жікке бөлінбейді қандай дүние болсада қасиеті бірдей бір шеңберде түйіскен.
Қазақ елі атам заманнан өзгенің аманатын қастерлеп,қадірлей білген. Бала тәрбиесінде болсын, салт-дәстүрде болсын аманаттың амандығын, аман есен иесін тапқанын, аманатқа қиянат жасалмауына үлкен мән берген. Әр бір адам баласы аманатты терең түсінгені дұрыс.
Жекелеп өз басымызға келетін болсақ ата-бабамыздан бізге берілген аманат үшаң теңіз. Солардың арасындағы ең құндылары ананың сүтімен аманатталған ана тілің,әрі намыстың найзасымен, жігердің жебесімен қорғалып ұрпағына аманат етіп тапсырылған кең байтақ ұлы далаң, жер астындағы байлықта,қара жерді жарып шығатын әрбір өсімдікте атаның аманаты екенін ұмытпауымыз керек. Атадан келген көп аманаттың ішіндегі ең негізгілерінің бірі емес бірегейі елдің бірлігі мен егемендігі. Елді ел қылып, бар қазақты бір қылып дүйім жұртқа паш еткен атадан келген тәуелсіздіктіңде аманат ұғымына толықтай бекітілетінін естен шығармауымыз керек. Қасиетті бабамыздың әр бір ісі аманат айтқан сөзіде, жазған хаттарыда біз үшін баға жетпес құнды дүние.
Пайғамбарымыз Мұхаммет (с.у.с.) барша мұсылмандарға аманат етіп тапсырған Алланың қасиетті кітабы Құранды қалай қастерлесек атаның қалдырған барша аманатында сол денгейде амандығына толық кепілдік беруіміз керек.