Сәлем бердім айтаберлік қауымға! Біраз болып қапты бұл блоктың жаңармағанына, бүгін сіздерге жолшының бір күндік жұмысы жайлы мағлұмат бермекпін.
Биылғы жаз ыстық болды. Қырық күн шілденің қақ ортасында көп адамдар көл жағалап демалыста жүргенде, сол қыдырмашылардың жететін жеріне аман-есен жетуін қамтамасыз ету үшін теміржолдың жол жөндеушілері ауа райына қарамай жұмыс жасайды. Күн арқан бойы көтерілмей жатып күн қызып тұрады. Әрбір жол монтері өзіне берілген бес шпалды ауыстыру керек. Жалпы бір бригадаға күніне 70-80 шпал беріледі ауыстыруға. Ағаш шпалдардың жарамдылық мерзімі 10-15жыл. Жол күтімін жасаудағы ең басты жұмыстардың бірі осы шпал ауыстыру. Қар мен жаңбыр, қыста аяз, жазда ыстық, табиғатың осындай түрлі әсерлерінен ағаштардың арасы ажырап, шпалдардың сапасы нашарлайды. Бірінші осындай шпалдардың санын анықтап бір кварталдық жұмысқа заявка береміз. Берілген жаңа шпалдарды осындай сапасы нашарлардан бастап ауыстырамыз. Ойлап отырғаан шығарсыздар бір адам күні бойы 5шпалды тез ауыстырады ғой деп. Ең алдымен өзіңе берілген бес шпалды ауыстыратын жерге тасимыз. Одан кейін орталық диспетчерден уақыт аламыз( поездар аз жүретін уақытты белгілейді) шамамен 1сағатқа кейде күрделі болып жатса 2сағатқа аламыз, кейде 20минутқа ғана аламыз. Бүгінгі күнге белгіленген км-дің рельстің шегелерін ағытып, жаңа шпалда ауыстырып, жаңа шегелер қағып үлгеруіміз керек. Біткенен кейін диспетчерге хабарласып, поездардың жүруіне жылдамдық береміз, өз жұмысыңның сапалы орындалғанына сенімді болуыңа байланысты жылдамдықты бересің.Осылайша жұмыс жалғаса береді.

Жалпы болат жолдарды бабында ұстау жолаушыларға жүктелген негізгі міндет. Ал рельсті жолдардың техникалық жағдайы қаншалықты талап үдесінен шығып жол шаруашылығының мамандары жол өлшеуші вагон ( бұл вагон жайлы келсі де кеңірек тоқталамын, теміржолшылардың тілімен айтқанда қисық аяқ) көмегіне сүйене отырып, көз жеткіземіз.
Пойыздар қозғалысына кедергі келтірген әр түрлі оқиғаларға байланысты бізге машинистерден тарапынан ескертулер түскен. Мәселен жыл басынан бері малдың жолға шығып кетуіне 38, басқа жағдайларға байланысты 11 ескерту алдым. Елдің баласы рельстің бойында ойнаса да, малы келіп жайылса да ескерту маған беріледі. Теміржолдың бойында жұмыс жасайтын жұмысшылардың жүйкесі темірден жаратылмаған. Шыны керек, кейде осыындай өзіңнің қатысың жоқ жайттарға ескертулер алып жатамын.Сонда жек көріп кетемін өзімінің жұмысымды. Біраз болды бір келеңсіздіңтердің кесірінен жұмысымды ауыстырды, яғни өзімнің бұрыңғы дәрежемнен төмендедім, басында жаман болдым, содан кейін етім үйреніп, ары қарай жүре бердім. Бірақ айтайын қағаз жұмысы шаршатты, мына бір темірімді арқалап алып, перегон қарап жолымды өлшеп жүретін күндерімді сағындым.
<img
Бір сәтке демалып отырған теміржолшылардың суреттерін ұсынамын.