Үш мамандық Құдайдан...
Бақытқа деген ең сенімді жол бақытты боламын деген құлшыныста емес, өзгелерді бақытты қылуда
Фридрих Гааз
Адамдардың басым көпшілігіне суретте өз қолдарын көрсетсе, тани алмайды. Бірақ өзгені бес саусағымдай білемін деп айту қандай оңай. Психология мамандығы жайлы екі жыл білімімді пайдаланып, мұның не екенін қысқаша айтып көрейін.
Психологқа керек ең басты қасиет —
әр адамды ерекше қабылдау!
Тануға да тырыспай тұрып, оны қандай да бір типке жатқызып қою екі жаққа да тек зиянын әкеледі. Клиенттің тұлғалық ерекшеліктері ашылмайды, демек психологтың жұмысы өнімсіз.Ал ойдың тірілігі, жаңалыққа құштарлық, түсіне білу, тұлғалық өсуге ұмтылу, байыптылық, т.б. адамның өзін және өзгені жақсы көргенінен болады. Бұлар барлық мамандыққа ортақ «жақсылар».
Психологияны игергісі келетін, жас дос, сізге көмегі болады деген үміттемін!
ЖОО қабырғасында не үйренеміз?
Тарихы, негізгі түсініктер, жеке процесстер, іргелі теориялар, психологияның бағыттары. Қандай да болмасын оқу орны ойлауды үйретеді, ал қалай ойлап неге келеріңіз жеке шаруа. Сабақтың ауқымындағы біліммен диплом алуға болады,Бірақ
маман болып шығу мүмкіндігі одан әлдеқайда аз.
Нені ескеру керек:
— Қосымша ізденіс. Дәрістердегі ескі ақпараттарда бұрын сұрақ белгісі тұрған жерлер өзге елде игеріліп қойған тың болуы мүмкін. Уақыт үнемдеп, саладағы жаңалықты бақылай жүрген жақсы— Практик психолог болам десеңіз, тәжірибе жинақтау үшін курс, тренингке қатысқан дұрыс. Кіріс үшін шығысқа дайын болыңыз.
Аңыздар:
— Жоқ, психологтар ешкімнің ойын оқымайды.1.бір сәтте адам тіпті өзі санын білмейтін бірнеше ойдың құшағында
2.бәрібір не айтылса, соны ойлап кетесіз. Бұлай алданбаңыз.
— Психолог көзіңізді, өзіңізді бір көргеннен болмысыңызды таратып, айтып бере алмайды. Ал егер басқаша айтса, ол психолог емес. («Жігітіңнің ойын оқып ал» деген сияқты кітаптар қалта қағудың тәсілі)
Қалай жұмыс істейді?
Психология адамға небір мәселелермен жұмыста пайдалану үшін құралдар ұсынады. Тәсіл мен мәселенің сәйкестілігіне жұмыстың тиімділігі тәуелді. Өзіңіз түсінгендей, құралдар артқан сайын кәсіби біліктілік артады.Қайда жұмыс істейді?
Адам бар жердің бәрінде. Бір екі нәрсені айтып, қиялыңызды шектеп қалмайын.Бізде таңдау болмаған кезде немесе бір ғана таңдау болғанда өзімізді өте бақытсыз сезінеміз Адамның еркіндігі оның таңдауының көп болуында. Психологтың алдына клиент өз шырмауынан шығатын жол сұрап келеді. Ол сізге ешқашан былай жаса, немесе менің бір танысым былай жасады демейді. Адамға керек күш адамның ішінде бар. Жаңа ресурстар ашуға, жауапкершілікті сезінуге, өз бетінше жол іздеуге көмектеседі. Психологтың бөлмесінен «өзім де психолог екенмінғо» деп шығу, менің ойымша, ең үлкен баға.
Мамандықты жақсы көргенде көп нәрседен өзіңізді қызықтыратын ақпарат көре аласыз. Көп нәрседен үндестік байқайсыз. Бұл жай ғана мамандық болып қалмайды, психология өмір сүру қалпыңыздан көрінеді. Үш мамандық Құдайдан дейді: Оқыту, Емдеу, Әділдік орнату. Психолог өз үлгісімен мәселеге басқаша қарауды үйрете алады, мазасыздықты тек ұмыттырып қоймай, оның себебін өзіңізге іздету арқылы емдей алады, және ішкі әділдік арқылы әдемі үйлесім орната алады. Көп жағдайда әділет жайлы ұғым біздің қабылдағымыз келмейтін нәрселерге де таңылып кететіні бар. Бастысы өзіңіз бен өзгелерді жақсы көріп келіңіз! Адамға қатыстының бәрі махаббатты талап етеді.
Сұрақтарыңыз болса, жауап беремін.
39 пікір
Енді сұрақты қай тұстан қойсам екен?
Бір сұрақ, психологиялық қандай жақсы, қызықты кітап оқуға кеңес бересіз (Карнегиді айтып жүрмеңіз, өте ұнаған жоқ)
Карнеги маған да ұнамады, Эрик Берн «Игры в которые играют люди» и «Люди которые играют в игры» оқып көр. (Сен дейміз деп келісіп едік қо?))
Ұялшақтықты жеңудің қандай әдістері бар? Көпшілік ортада өзін еркін ұстай алмайтындарға кеңес берсеңіз. Сосын, 1-2 тренинг өткізсеңіз деген ұсынысым бар, виртуалда жүзеге асатын. Рахмет :)
виртуалда… реалдағымды әзір виртуалға келтіре алмайтын сияқтымын.ұялшақтыққа да көмектесе алар едім, бірақ ол үшін көруім керек реалда.кеңістікте орындар таңдатып, образдар жасатып басқа іс-әрекет құратын бір техника бар. ал теориямен мынаны айта алам, ұялшақтық мидан болады, басқалар мынаны ойлайды, маған қарап тұрады деген ойдан, бірақ нақты белгісіз ғой ол адамның ойын дәл табуыңыз, оның мүлде шаруасы болмауы мүмкін, тек жақсы жағы бар нәрсе өте сирек, әдемі бір ұялшақтық бөлек те, толыққанды өмір сүруге кедергі келтіретін ұялшақтық басқа, мен сіз оптимал шешім табады деп ойлаймын, агентте жалғастырайық қаласаңыз))