Армысыздар Айтаберліктер
Армысыздар құрметті Айтаберліктер, құрметті админі және Korkem !
Бүгін көп ойланып, толғанып Айтаберге тіркелуім керек деген шешімге келдім. Блогқұрылтай-2014 шарасының ұйымдастырылу аясында блог, блогжазба, блоггер тақырыбы мода болып тұрған шақ. Өзекті десем де болады. Анау блоггер емес, екі сөздің басын құрап жазу блог емес, блоггерлердің элитасын қалыптастыру, саннан сапаға типі осындай тіркестер жиі қолданылу үстінде.
Мен блоггер емеспін. Басынан айтып қояйын. Блогтұғырнамаға адасып жүріп келіп қалғанмын. Ал Айтаберге келетін болсам, екінші рет есігін қағуым. Бірінші рет 13 тің жазында тіркелген болатынмын, бірақ, бір блог жазып қалдырмадым. Келгенімнен кеткенім тез болды. Бұл жолы мені тартқан адам Көркем. «Сені шақырған жоқпын ғой» деуі мүмкін, бірақ, екеуміз әңгіме құра қалсақ ол міндетті түрде «Айтаберді» айта кетеді. Кіріп, блогының барлығын емес (барлығын ақтаруға бір күн уақыт аздық етеді ау) ақтарып шықтым. Қызықтырып жіберді. Неткен даналыққа тұнып тұрған жазбалар деп тамсанып қалдым.
"Әлеуметтік желі — құрал" © Нұрлан Жанай.
"Әлеуметтік желі — «виртуалды» ауру жұқтыратын вирус" © Аңсар Данай.
ХХІ ғасырда өмір сүріп жатырмыз дейміз. Агент деген пәледен басталған бұл ауру біздің санамызға сіңіп кетті. Осы сайтта AKA -ның, Korkem -нің жыл қорытындыларын қарап шықтым. Күшті жазылған. Есті адамдар өзіне осылай есеп бере білсе керек. Ойлаймын да, кейде пейізбүкпен өткен бір күніңе не деп есеп беретініңді. Жылды қоя берейік, бір пейізбүкте отырсаң бір күндік парызыңды шын ниетпен орындай аласың ба?
Пейізбүктен шығады, кейде осы сайттан өз-өзімді аластатын кездерім болып тұрады. Сондағы алғашқы уақыттарда «нәпсіңіздің» шырылына көңіл бөлсең ғой. Нәпсі шіркін бәрібір өз қажеттілігін өтеу керек, сонда барып, осындай танымдық блогтұғырнамаларға жүгіне бастайсың, тұралап қалған туиттеріңе «туиттей» бастайсың. Очм, алдағы уақытта осы сайттан көптеген достар табармын деген үміттемін.
"Әжежау" ©Көркем Аблаева.
"Әжежау" іздемеймін :) :)
пысы: бұл жақта лайк басады ма?
14 пікір