Арапа күніндегі шектік
Арапа — иісі мұсылмандар үшін қасиетті күндердің бірі боп есептеледі. Бұл күнде мұсылмандар мейілінше таза киімдерін киіп, нәпіл намаздар оқу, ораза тұту, жетім-жесірлерге жәрдемдесу, садақа беру секілді ғибадаттарын үдетеді. Ата-бабаларымыз Арапа күнін қастерлегені соншалықты, бұл күні ренжіскендер болса татуласып, кейбір тұтқындарды азат еткен. Қазақ халқының Арапа күнінде атқаратын ғибадаттарының бірі — Шектік тарату боп табылады. Ол қазақтың садақа іспеттес ғұрыптарының бірі. Шектікті отбасы мүшелерінің бірі қайтыс болғандар арапа күні, яғни, құрбан айт мерекесінен бір күн бұрын үш жыл қатарынан таратады. Өлілерін ұмытпай, қадір тұта білген қазақ халқы Пайғамбарымыздың (с.ғ.с): «Арапа күнін құрметтеңдер! Өйткені, Арапа — Аллаһ Тағала қадірлеген күн», «Арапа күні жәһаннамнан көп құл құтылатыны соншалықты, басқа күндерде мұншама құл құтылмайды», «Дұғаның қадірлісі – Арапа күні жасалған дұға» — деген мағынадағы хадистеріне сүйене отырып, шалынған малдың етін жетім-жесірлер мен кедей-кепшіктерге үлестіру арқылы, Алла тағаладан осындай амалдарынан болған сауапты қайтыс болған жандардың рухтарына сауаптан жазуларын дұға етіп өтінетін болған. Сондай-ақ, үлкен дастархан жайылып, туған-туыс, құда-жекжат, дос-жарандарын шақырып дәм алдырған.
Бұл амалдан соң (яғни, ертесі күні) жамағатпен бірге екі бас құрбан айт намазын оқып, имам құтпасын тыңдап болысымен үш күнге созылатын айт мерекесінде уәжіп боп есептелетін құрбан малын міндетті түрде шалған. Шариғатты мықты ұстанған ата-бабаларымыз Арапа күні туысымен тәшриқ тәкбірлерін оқып бастап, үш күн құрбан айт мерекесі аяқталғанша оқуын жалғастырған.
Бұл амалдан соң (яғни, ертесі күні) жамағатпен бірге екі бас құрбан айт намазын оқып, имам құтпасын тыңдап болысымен үш күнге созылатын айт мерекесінде уәжіп боп есептелетін құрбан малын міндетті түрде шалған. Шариғатты мықты ұстанған ата-бабаларымыз Арапа күні туысымен тәшриқ тәкбірлерін оқып бастап, үш күн құрбан айт мерекесі аяқталғанша оқуын жалғастырған.
5 пікір
2009ж. «шектік» туралы жазған жазбам екен, таныса отырыңдар.