Қыста жүгірудің орны бөлек

Қыстыкүні жүгірудің орны бөлек. Түнде дайындап жатқан киімдерді ұйқылы ояу жапсырып, шығып бара жатасың. Баскиім, қолғап, талстовка, красопкі… Құлақта – құлаққап, сүйікті аудио ойнап бастады. Сыртқы есікті ашып, салқын ауа бетке өбкенде, «бүгін шықпай-ақ қойсам ба екен» деген ой кеп кетеді. Дала да тас қараңғы. Қыырт… қырт… Алғашқы қадамдар… Тұла бойың шымырлап, күйбең қозғалысқа түсесің… Бұл тек бастапқы минуттар ғана. Ағза сыртқы ортаға үйренісіп жасап жатыр. Келесі айналымда ештеңе елемейсің де. Бір кісілер өтіп жатыр ма, аяқтың сықыры, ауыздан шыққан бу өз қызығын жоғалтады. Дене біраз қызып қалған, тоқтағысы келмейді. Ой болса мүлдем басқада. Әрнені ойлап, жаңа күнге моральды-эмоцияналды дайындық жүріп жатады.

Жаңа күнді қарсы алу – ерекше бір сезім береді. Өзігінен кеудеңді қуаныш кернейді. Сондай бір шақтарда көшеде кездескен бейтаныс кісіге «жарайсың, рахмет» деп қолынан қысып-қысып жібергім кеп кетеді.

Медицина мамандары жүгірудің қан айналым, тыныс алу, нерв жүйесі, жалпы адам ағзасына тигізетін түрлі пайдалы әсерлері жайында айтады. Меніңше, әрбір кісі өз денсаулығын қалыпты жағдайда ұстап тұру үшін күнделікті жүгіруі керек. Одан бөлек, таңмен жүгіру адамды тәртіпке, өз нәпсісін жеңуге үйретеді. Итіңді ертіп жүгірсең мүлдем көңілің көтеріледі. Жаңа күнді жүзіңде күлкі жайнап қарсы алған жақсы емес пе? Оқуда, сабақта денең сергек жүреді. Іздеген кісіге пайдалары көп-ақ. Және де жүгіру ең қауіпсіз, әрі пайдалы спорт түрінің бірі. Денсаулық үшін, қисық мұрын, пельмен құлақ-талтақ бұт не қажет? Ар жағын айтпай-ақ қояйын) Денсаулық үшін жүгірейік!!!