Медицина - жартылай ғана жәрдем

Әрбір аурудың негізінде ешқандай дәрі жеңе алмайтын себебі жатады.
Аурудың мыңғырған түрімен "қамтамасыз ететін" мыңнан аса азықтық синтетикалық қоспа ұлттық дастарқан мәзірімізге енгізілуде. Ұзақ жылдар бойы «зиянсыз» саналған, шын мәнінде денсаулық үшін аса қауіпті қоспалардан қабырғамыз қайысып-ақ келеді.
Өнеркәсіптік ақ нанын батонын мысалға алайықшы. Ол сіздің дастарханыңызға жеткенге дейін өңделді, ағартылды, боялды, байытылды, тазартылды, жұмсартылды, қалбырланды, хош иістендірілді. Осының бәрі де синтетикалық химиялық қоспалардың көмегімен жасалды. 100 процент бидай ұнынан пісірілген, хош иістендірілмеген және синтетикалық қоспасыз батон сатып алу қазір мүмкін емес.
Адам ағзасы — жекеленген клеткалардың жиынтығы. Дұрыс тамақтансаңыз, ішіп-жеміңіз клеткалардың өсуі мен қызметінің негізгі талаптарын қанағаттандырып тұрса, онда олар 120 жылға дейін, одан да ұзақ өмір сүруге мүмкіндік береді. Кім де кім өз ағзасының талаптарымен санаспай, лас ауамен тыныстаса, клеткалар мұны жазалаусыз қалдырмайды. Ондай адамның баратын жері — аурухана немесе мола. Тамақ құрамының синтетикалық химялық қоспалармен өзгертілуі ағза клеткаларын қалай да зақымдайды. Соның салдарынан олардың қызметі нашарлай түседі.
Тоқсан ауыз сөздің тобықтай түйіні — мүмкіндігіңіз жеткенше табиғи өніммен тамақтанып, химиялық өңдеуден өткізген азық-түліктен бойыңызды аулақ ұстаңыз. Хал-қадіріңізше табиғи азық табуға әрекеттеніңіз. Сатып алатын азық-түлігіңіздің жапсырма жазуымен ұқыпты танысыңыз! Алғыңыз келетін кез келген тамақ түрі турасында дүкеншіге сауал тастаңыз, тіпті, азық-түлік шығарушыларға хат жазып, олардан өндірілген тауардың толық сараптық мәліметтерін сұраңыз.
Коммерциялық удың басым бөлігінен 24-36 сағаттық ашығу кезінде арыласыз. Оның сәті түспесе жеті-он күн ашығып, ағзаңызды жақсылап тазартыңыз. Сонда тамағыңыздағы у мөлшеріне көз жеткізіп, қайран қаласыз. Өміріңіз бен денсаулығыңыздың мүддесіне коммерциялық қитұрқылық мүлдем қайшы екенін естен шығармаңыз.
Түстікті аз жеңіз, кешкі тамақты одан да азайтыңыз, ұйқыға жатар алдында тамақтанбай-ақ қойсаңыз тіпті дұрыс болар еді.
Бенжамин Франклин.

Ашыққан кезде күш-қуатыңыз ағзаңызды тазартуға жұмсалады.
Ағза өзін-өзі тазартады, өзін-өзі емдейді жән өзін-өзі қайта қалпына келтіреді.
Тамақтан тыйылғаныңызда, ағзаңызда керемет өзгерістер жүріп жатады!
Ағзаңызды таза ұстағыңыз келсе — ашығыңыз!
Бірнеше рет ашығып көріңізші, іштей тазарту бұрын соңды кездеспеген сезіммен өзіңізді Денсаулыққа қарай қалай бастайтынын сезінесіз. (Ашығу барысында тек қана тұзсыздандырылған су, яғни дистиллированная вода ішуіңізге ғана рұқсат)

Пол Брегг,
өмірді ұзарту жөніндегі маман.