Гүл сыйлау этикасы туралы не білеміз?

Гүлсіз адам өмірін елестету мүмкін бе, сірә. Гүлдің тілі – нәзік тіл. Гүл бар жерде сезім бар.Гүл сыйлауда қатып қалған қағида жоқ. Дегенмен, көпшіліктің ұғымында гүл сыйлаудың өзіндік бір заңдылықтары қалыптасқан. Ең бастысы, шын көңілден сыйланса, болғаны.


Біздің елде, негізінен, ашық қызғылт раушанды тек ең жақын адамдарына, яғни қалыңдығына, анасына, әкесіне, апа-қарындастарына сыйлайды. Өйткені, қызыл түс сүйіспеншіліктің белгісі болып саналады.

Мереке кезінде сүйікті ұстазыңызға немесе жақыныңызға сары түсті раушан немесе нәркестің бір шоғырын «Жан-жағыңызға нұр шашып, үнемі жарқыраған күндей, жалтылдаған алтындай болып күлімдеп жүре беріңіз!» деген мағынада тілек айтып сыйлайтын болсаңыз, ол үшін сізден артық адам болмайды. Лимонның түсінен ақшылдау немесе күрең келген раушан гүлдерін отыздан асқан әйелдерге сыйлаған жарасымды болады.


Сүйген қызыңызға – гүлі әлі толық ашылмаған, жұпар иісі бар, сары немесе күлгін түсті раушан, меруертгүл, ақ түсті бақытгүлін сыйлаған дұрыс.

Ежелгі Шығыста гүлдің түсін жылдың мезгіліне сай таңдаған — солғын түсті гүлдерді — қыстың күндерінде, ақшылдарын — күзде, көк гүлдерді көктемде және қызылдарын жазда сыйлау дәстүрі болған.
Гүл сыйлағанда, кейбір қарапайым ережелерді есте сақтау қажет. Гүлді адамның жас ерекшелігіне, қандай түсті ұнататындығына байланысты сыйлаған жөн.

Гүлді таңдар кезде жыл мерзіміне ғана назар аудармай, сонымен қатар оның кімге сыйланатындығын да ескерген жөн. Мысалы, жас қызға үлкен себеттегі гүлді сыйлаудың қажеті жоқ. Бұл ресми және тым салтанатты болып көрінеді. Қызға бөртегүл, шегіргүл, т.б. сыйлайды. Ыдыстағы бөлме гүлі кесіп алған раушан гүлінен гөрі, ұзақ уақыт сақталатыны, әрі адамға нәзіктік пен жылылық сыйлайтыны рас.


Кейінгі жылдары жақын адамдарына қырқылған гүлдермен қатар, түбекте өсіп тұрған гүл сыйлау дағдыға айналып барады. Басқа елдерден жұғысты болып тұрған осы бір гүл сыйлау түрі – көңілге тым қонымды екендігін айтқан жөн шығар. Кесіп немесе жұлып алған гүлден гөрі, тартуыңыз әрине, адамның күтіміне байланысты ұзақ сақталады, әрі, қуаныш сыйлауын жалғастырады.

Осы орайда, 22 наурыздың жыл басы екендігін ескеріп, жақындарыңызға, көршіңізге аулада өсетін бұталы, қылқанжапырақты немесе гүлдейтін өсімдіктер сыйласаңыз, шексіз қуанышқа бөлейтіндігі айдан анық. Тек бір ескеретін жайт: сыйлаған өсімдік жайлы жан-жақты ақпарат беруді ұмытпағаныңыз жөн.

Пысы: Бүгінде көбісі гүлдің түрі мен түсіне және беретін мағынасына көп мән бере бермейді. Бастысы, шын көңілмен сыйланса, болғаны. Гүл шоғырының ішіне жылы лебіз жазылған әдемі хат салып жіберуіңізге болады. Гүлді жақсы көрмейтін адам жоқ, сондықтан алдағы қыз-келіншектердің мерекесі қарасаңында жақындарыңызға гүл сыйлауды ұмытпаңыз! Өмірлеріңіз әдемілікке толы болсын деген тілекпен сіздердің Эстетикаларыңыз)