Біреуге

Ақ қанатты періштем,
Айдай жүзің келіскен.
Мөлдірлеген сезімнің,
бал шырынын бөліскен.

Бірге өткізіп уақытты,
тойлайықшы шаттықты.
Қос аққудай жұптасып,
болайықшы бақытты!

***************

Саған қашан жетем деп,
жүрек жатыр шыңғырып.
Сен де жүрсің білемін,
көздеріңе мұң бұғып.

Ұғыспадық бір сәтке,
ойлай бермей ол жайлы.
Енді бізге ешқашан,
айырылысуға болмайды

****************

Жүрегіңді жалғадың жүрегіме,
Тілегіңді жалғадың тілегіме.
Адалымсың, ақ жүрек аққуымсың,
Ұя салған көлімнің жиегіне.

*****************

Кездесемін бүгін мен,
дір-дір етіп тұр денем.
Жүрек мынау жүгірген,
өтіп болмай күн деген.

*******************

Аялаған арманым боп,
Жолығар деп жан-жарым боп.
Үмітімді ақтадың кеп,
Қалдың мәңгі қорғаным боп.

Қойын дәптерімнен алынды…