Ақпан

Өз ойым /

сурет алынған жер
Айта берейік айтатынымыз болмаса түртіп алайық

Ақпан айы

Ақпан – «ақ ықпа» сөзінен шыққан, — дейді Жәрдем Кейкін. – Бұл ай ішіндегі ауа райының аумалы-төкпелі, құбылмалы сойқандығын білдіреді. Сол себепті халқымыз: «Ақпан – қайталаманың ақ бораны». Ақпан: «Білмесең білдірем, білсең бүлдірем», — дейді. Ақпан айнымалы: өткен қаңтарды есіркейді, алдағы наурызды еске салады», — деген.

Ақпан – алдамшы. Бір бүйріңді қыздырса, екінші бүйіріңді мұздатады. Бір қолымен маңдайдан сипап, екінші қолымен маңдайдан шертеді. «Жақсылығына барса – құт, жамандығына барса – жұт» айы.

Ақпан – тұрақсыз: кейде аяздың беті қайтып, сынады, кейде аспан түнеріп, жапалақтап қар жауады. Бұрқасынды да, шуақты да күндері көп.

Ақпанда қыс пен көктем белдеседі. Қаңтарда бұрқасын, боран тәулік бойы соқса, ақпанда түнде, таң алдында соғады.

Ақпан борандайды, келер наурыз – жылауық. Ақпан аяғында аяз айылын жиып, қыс қаһарынан айырылады.

Ақпанның 15 жұлдызы – қыс пен көктемнің алғаш ұшырасатын күні. Бұл күні ауа райы қандай болса, көктем райы сол тақылеттес болмақ. Екі аралықта қар жауса, көктем жаңбырлы.
жылы орыны

4 пікір

qusbegi
Пайдалы екен:) Қыстың көбі кетіп азы қалды ғой:) Шымкент жақта қатты суытып кететіні бар осы айда:)
a63a1
Бойдақ қойда құйрық қалды, бойдақ қызда бұғақ қалды қырлан ақпан қырлан!
Sabions
біздің Батыста қар джындыы… тізеге жететін қалыңдықта қар жатыр… шарбақтағы қарды 3 күн қатарынан күредім,әлі бітпейді…
Togzhan
Мына жазбадағыдай тура ақпанның 1-де бізде боран деген ұйтқып кетті-ау)
«Ақпан – қайталаманың ақ бораны»
қалай тауып айтылған өзі?)
Тек тіркелген қолданушылар ғана пікір қалдыра алады.