Фотошопта қиямыз

Мына жерде менің нағашым Фотошоптан «Жаз және жағажай» тақырыбында байқау ұйымдырыпты. Соған қатысты бір сабақ жариялап жіберудің реті келіп тұрған сияқты. Жалпы бұл жарыста суреттерді қиып, біріне бірін жапсырып коллаж жасау керек, сондықтан бүгінгі тақырып «Фотошопта суретті қиюға» арналады.

Жалпы фотошопта сурет қиюдың яғни суретті фоннан ажыратып алып, басқа фонға жапсырып қоюдың екіжүзқырықбес (көөөп) әдісі бар. Мен солардың негігзі бес алтауын көрсететін боламын.

Фотошопты қалай ашып, өңдеу керек суреттеріңізді қалай редактор бетіне шығаруды білетін шығарсыз деп ойлаймын. Көп сөйлемей бірден тақырыпқа көшейін.

Өзімізге керек суретті фоннан ажыратып алудың жалпы өзім білетін төрт әдісі бар:

• Біріншісі ерекшелеу құралдарымен ерекшелеп алып, басқа суретке алып бару.
• Екіншісі суретті толығымен басқа суреттерге алып барып қажет емес бөліктерін кетіру қию.


• Үшіншісі суреттің керек емес жерлерін маска арқылы жасыру, каналдармен бірдеңелер былықтырып, фоннан ажырату.


• Және төртіншісі ол векторлы формалар мен сызықтар салу құралдарымен векторлы форма салып, оны ерекшелеу обласына айналдыру.

Ерекшелеу құралдарын пайдалану (инструменты выделения)

1. Қарапайым төртбұрышты және шеңбер етіп ерекшелеп алу құралдары.
Тікбұрышты облыс (Rectangular Marquee), Shift+M;
Эллипс типті облыс (Elliptical Marquee), Shift+M;

Бұл құралдар суретті төртбұрышты немесе шеңбер етіп ерекшелеп алуға мүмкіндік береді.
Былай видеомен көрсетіп жіберейін.




2. Лассо құралдарымен ерекшелеп алу
Лассо (Lasso), Shift+L;
Көпбұрышты лассо (Polygonal Lasso), Shift+L;
Магнитті лассо (Magnetic Lasso), Shift+L.

Бұлардың несін айтайын, лассо как лассо, видеомен көрсетейін.



Көпбұрышты және магнитті лассо құралымен ерекшелеген кезде артық нүктелер салынып кетсе Delete пернесін басу арқылы кетіреміз.

3. Сиқырлы таяқ құралы (: және тез ерекшелеу құралы.

Сиқырлы таяғымыз онша сиқырлы емес, ол құрал біртүсті аумақты тез ерекшелеп беруге мүмкіндік береді.
Тез ерекшелеу құралы да сол принциппен жұмыс жасайдыү




Суретті қию, кетіру арқылы фоннан ажыратып алу.
Бұл әдіс тек кетіргіш (өшіргіш) құралымен жүзеге асырылады




Маска, канал арқылы суретті фоннан ажыратып алу
Суретті фоннан ажыратып алудың бұл түрі, суретке қосымша маска салып, керек емес бөлігін маскамен жасыру арқылы жүзеге асырылады, бұл әдіс, қара мен ақ түспен бояй алатын құралдармен жүзеге асырылады.

Олар:
Кисть (Brush), Shift+B;
Градиент (Gradient), Shift+G;
Бояуы бар шелек (Paint Bucket), Shift+G.




Канал арқылы суретті қию қиындау, оған бөлек пост арнармын.

Векторлы форма, сықыз салу құралдарын қолданып қию.
Ерекшелеудің бұл түрі бірінші әдіске ұқсас, бірақ бұл әдісте бірінші векторлы линия, форма салып алып, содан кейін оны ерекшелеуге аударып алыу арқылы жүзеге асырылады.

Перо (Pen), Shift+P;
Дөңгелектенген тікбұрыш (Rounded Rectangle), Shift+U;
Эллипс (ellipse), Shift+U;
Көпбұрыш (Polygon), Shift+U;
Түзу (Line), Shift+U;
Қолданушы формасы (Custom Shape), Shift+U.







Бары осы, бұл сабақтан кейін сіз суретті қиюдың біршама әдісін үйреніп алып, енді «Жаз бен жағажай» байқауына ат салысып өз үлесіңізді қосасыз деген үміттемін. Алға!

пы\сы: Бұл байқауда Манас, Қырмызы, Көркем, Әлішер, Сағыныш, Сәндібек, Нұржол, Сүндет,Қыдыр және т.б. қолданушылардың қатысуын күтемін.

пы\пы\сы: Суреттерді қиғанда қисық кеткен жерлері үшін кешірім сұраймын. видео ұзақ болып кетпес үшін тез тез қиып едім.