Қойын дәптерімді ақтарып отырсам, кішкене жиналып қалыпты. Аз болса да көптей көргейсіздер!

Қалай айттың ұмытшы деп
Қалай сені ұмытармын.
Кеткен сәтте суып жүрек
Жаным сенен үміт алдым.

Ойлай берсем ой терең-ді
Кінәлайсың текке неге
Осындаймын қайтем енді
Өтінемін өкпелеме…

****
Күз келді. Қалаға күз келді,
Күзбенен ілесіп сыз келді.
Сарғайған ағаштар мұңымен
Шығарып салуда біздерді.

****
Бүгін өтер ертеңмен
Жүрек қалар өртенген

****
Сары мұңға малындым
Сары алаумын. Жалынмын
Сары күзде сол күнгі
Сары қызды сағындым

****
Түсінсең ғой, досым менің, ортағым
Өмірімді былайша кеп жортамын
Қарап тұрып, ағаштарға мұң артқан
Күзбен бірге өлем бе деп қорқамын…