Ақын Хафиз бен Ақсақ Темір

Поэзия, менімен егіз бе едің?! / 12 қараша 2012, 20:09

Жаңа фейсбукке Садықтан (біздің Шерімбек қой) Хафизды аударып отырмын деген хабарлама түсті, соны оқып ол ақын туралы бір аңыз есіме түсе кеткені.
Ақсақ Темірге (кәдімгі Мавреннахрдың әміршісі, Темірлан) жандайшаптары «ойбай, сенің екі астанаңды біреуге беріп жіберіп жатыр бір алаяқ» деп айтып келіпті, сонда ашуланған ол бірінші дарға асуға бұйырыпты да, сәлден кейін менің алдыма алып келіңдер деген екен. Алдына келген жалаң аяқ, жалаң бас жүрген ақынға күліп қарап отырып соңғы сөзіңді айт деген ғой, сонда менің соңғы сөзім өлеңімді аяғына дейін тыңдасаң болды деп өлеңін оқыған екен:
Сол Шираздың сұлу қызын өмір бойы сүйер ем,
Бір меңіне Самарқанд пен Бұхараны берер ем… (деп басталады)
Өлең біткеннен кейін Ақсақ Темір ойланып отырып: "Қалам десең осы сарайдың менен кейінгі ең беделді адамы боласың, кетем десең жолың ашық" дегенде, Хафиз бір жымиып алып, ештеңе айтпастан шығып жүре берген дейді…
***Хафиз Ширази — орта ғасырлық шығыс поэзиясының белді өкілдерінің бірі
Аударма менікі (білмеймін бұрын қазақшаға аударылмаған сияқты)
Шираз — қаланың аты
Самарқанд пен Бұхара — ол кездегі ең үлкен, бай қалалар

13 пікір

MSHERIMBEK
12 қараша 2012, 20:27
↓
+2

Хафиз Ширази — тек қана Шығыс емес Батыстың да әдебиетіне үлкен әсерін тигізген ұлы классиктерден бірі. Неміс ақыны Гете "Ұлы Хафиз", «Cөз шеберлігінің дарасы» деп айтып кеткен екен. Алдағы уақыттарда кітаптарын аударатын боламын. Бүгінше мына шумақтардан бәһра ала отырыңыздар!

Шираздық қыз көңілімді қуантса егер молынан,
Самарқан мен Бұхараны құрбан етем жолына.

Арманым жоқ бұл жалғанда, қиын болмас қалғаны,
Сендік ерін шарабының дәмін татсам болғаны.

Сөйле Хафиз, айналаға шашып жібер сөз дүрін,
Қаламыңнан жарым жандар бүтіндесін өз ділін.

Еһ, өмір-ай, жар иісінен рухым жатыр тасынып,
Қайғы – дертім, жан рахатын жатыр тағы басынып.

Сен — таңсың да, ал мен болса майы біткен шамдаймын,
Бір жымисаң, өлімге де жанымды аяп қалмаймын.

Жәннат іздеп жүрген досым, шарапүйге баралық,
Құм ыдыстың[1] түбінен біз Кәусар суын табалық.

Көктем болар сенің нұрлы дидарыңмен кең дала,
Сенсіз Хафиз мұңға батты. Уа, сұлуым кел маған!

[1] — (парсыша Хум) әдетте шарап құятын асыл топырақтан жасалған ыдысты айтады. Құмыра.

VVVWWW
12 қараша 2012, 20:29
↑
↓
0

Өте жақсы аударма, келісем, асыға күтем!!!

MSHERIMBEK
12 қараша 2012, 20:31
↓
0

Сұмдық керемет адам болған екен. Кітабын оқып отырып, жеңіл ой жорытатын адам деуден қаласың. Әрине, бір-екі шумағын ғана оқыған адам мүмкін, діннен безген, ішкіш дейтін шығар, әйтседе, болашақта оқығысы келетін оқырман үшін Хафиздің жүрегіне тереңңң бойлауға кеңес беремін. Ал, жоғарыда аударып жатырмын. Қазіргі барысын Фейсбуктағы www.facebook.com/groups/shygysadebieti/ мына топтан көріп, әрі қосылсаңыздар болады:)