Жек көрем сені...

Не көкірек алып жатқан бойыңды?
Қандай нәрсе толғандырған ойыңды?
Түсініксіз ой тудырдың тұманды,
Өзгеменен көре алмаймын тойыңды.

Қызғанамын сол үшін де жек көрем,
Тыңда сені жүрек сыры деп білем.
Жек көремін сүйгендіктен өзіңді,
Жек көремін сөздерді «кет» деген

Қимас күнді біз екеуміз жарасқан,
Түн ортасы бақ ішінде адасқан.
Жек көремін сол бір түнді жек көрем,
Екеумізге сәуле беріп қарасқан.

Сүйем сені сезесің бе жарығым,
Алыс кетіп қандай әлем таныдың?
Жек көремін, бәрін-бәрін жек көрем,
Бұл әлемнің белгісізін анығын.

Жек көремін әсем, сұлу көзіңді,
Сол баяғы «сүйем» деген сөзіңді.
Жек көремін құшағыңның жылуын,
Жұпары сол әсер берер сезімді.

Жек көремін ерініңді құштарлы,
Күз біткенде келетұғын құстарды.
Жек көремін бақ ішінде жүргенде,
Біз екеуміз тұратұғын тұстарды.

Жек көремін қайта келмес өзіңді,
Сені күткен сабырлық пен төзімді.
Түсіне біл жек көрсем де СҮЙЕМІН,
Қолдан келмес ұмыт қылу сезімді.