"Абылай" торты

Құрметті, Айтаберліктер! Бүгін тәтті-пәттіден ауыз тие отырайық.

Иә, постты Абылайға арнаймын. Сондай-ақ, барша еркектер мен жатақхана тұрғындарына. Өйткені, бүгінгі дайындалатын торт табаның (сковорадка) көмегімен жүзеге асады. Духовкісі жоқтарға таптырмайтын дәм.
Абылай микротолқынды пеште пісіретін бірдеңе жазшы деп қашанғыдан айтып жүр еді. Өкінішке орай, микротолқынды пеште пісетін тәттілер маған ұнаған жоқ.
Сонымен, Абылай қабыл ал.))

Тәк, тазалықтан бастайық.
Қамыр құрамына:
Қойытылған сүт (сгущенка) — 1 құты;
Жұмыртқа — 1 түйір;
Сода — 1 шәй қасық (уксуспен басылған);
Ұн — 3 стақан;

Крем құрамы үшін:
Сүт — 0,5 л;
Ұн — 2 стақан;
Жұмыртқа — 2 түйір;
Құмшекер — 1,3 стақан;
Ванилин — 1 п;
Слив.масло (үй температурасында сәл еріген күйі болсын) — 200 гр;

Сонымен:

Қойытылған сүтті жұмыртқамен жақсылап араластырамыз (сары түсті болуы тиіс):


Одан соң, уксуспен бастырылған соданы қосып, тағы араластырамыз да, ұнды аз-маздан салып отырып араластыруды жалғастырамыз.

Қамыр қолға жабыспайтындай, өте жұмсақ блуға тиіс (егер жабысып кетсе ұнды тағы салуға болады, қашан жабыспай, қалыпқа түскенше):

Дайын болған қамырды сегіз бөлікке бөлеміз (осы аралықта табаны баяу отқа қоямыз, қыза беруі үшін):

Әр бөлікті жаямыз да, шанышқымен әр-әр жерін тесіп шығамыз:


Дайын болған жайманы жыртылып немесе құртылып кетпеу үшін оқтаудың көмегімен орап алып табаға саламыз. Табада астын күйдіріп алмай қызарған соң келесі бетіне жалпақ қасықпен (лопатка) асқан ептілікпен аударамыз (асты піскенін білгіңіз келсе оның үстіңгі бетінде піскен кезде майда шариктер пайда болады))). Мынау астының пісіп, дайын болған кезі:


Мынау үстіңгі беті:

Енді оны өзіңіз қалаған кез-келген қалыпқа келтіре аласыз (шет-шеттерін кесіп алып тастаймыз, ол шетіндегілер кейін бетіне себу үшін керек болады):


Дайын болған түрі (олар қытырлақ секілді көрінгенімен өтте жұмсақ):


Енді крем дайындаймыз. Керем дайындау үшін жоғарыда аталғандардың бәрін (слив.маслодан басқалары) баяу отта қыздырып араластырамыз:

Оны оттан түсірген соң, слив.маслоны қосып миксермен араластырамыз:


Кремнің дайын болған түрін түсіруді ұмытып кеттіппін)) Сонымен, дайын болған кремді қытырлақтардың бірінің бетіне бірін жағып қоямыз, шамамен әр қайсысының бетіне 2,5-3 ас қасық кететін болуы тиіс:


Қасықтың көмегімен керемді торт беті мен жәніне тұтастай жағып шығамыз да, әлгі шетінен алған кытырлақтарды қолмен майдалап, уақтап (суретке түсіруді тағы ұмыттым) тортқа сеуіп шығамыз. Уаққа грек жаңғағын да майдалап қосып, сепсе болады:


Біраз уақытқа тоңазытқышқа қойып қоямыз, сіңуі үшін:


әәә әлі тұр мен дайындаған торт тоңазытқышта, көздің жауын алып))))

Айтпақшы, торттың аты «Абылай» болсын))) (сурет сапасыздығы үшін кешірім сұраймын. әлгі Қырмызы ұйымдастырған байқаудан жеңген пытапаратым әлі келмей жатыр)

Ұялмай, қызармай қол соза отырыңыздар. Ас болсын!