Бауырдан жасалған дәмді котлет

Сәлем, қымбатты «Айтабер»!

Көп болыпты, сайтымызда дәмді тағам иісінің шықпағанына. Бүгін өздеріңізбен бауырдан жасалған дәмді котлеттің рецептімен бөлісе отырсам.

Сонымен, дәмді котетімізді жасау үшін бізге керектілер:

1. Қой (сиыр) бауыры — 0,5 кг
2. Бір стакан шала пісірілген күріш
3. Бір бөлке нан уағы
4. Жұмыртқа — 4
5. Пияз, сарымсақ (бауырмен бірге ет тартқыштан өткіземіз)
6. Дәміне қарай тұз, бұрыш
7. Май
8. Картоп — 3-4 бас

Бауырды ұсақтап турап:



еттартқыштан өткіземіз:


Картоп, пияз, сарымсақты да еттартқыштан өткізіп жібереміз:

Оның үстінен суға шала пісіріліп, шайылған күрішті, наның уағын, жұмыртқа, тұз, бұрыш қосып араластырамыз. Егер тым қою болып жатса ұн қосуға болады (қоюлығы оладьи секілді қоймалжың болғаны дұрыс):



Енді алдын ала отқа қойылған табаны қыздырып майды бетіне ғана құюға тырысамыз. Май қызғаннан кейін, дайын қоймалжыңды қасықпен алып табаға саламыз да оны жаймалаймыз. Ұнға аунатып алсаңыз да болады:


Котлет асты қызара піскеннен соң, екінші бетіне аударамыз.
Осылайша, дастарханға жәй пісіріп қойғанда желінбей қалатын бауыр, өкпе секілді мал мүшелерін тартымды, әрі дәмді тағам түріне айналдыруға болады.

Дайын котлеттер:




Тістедім ))))



Таңғы ас үшін тойымды және ұзақ жолға таңазытып алып шыққанға таптырмайтын дәм.

Ас болсын!

Пы/сы: Бұрын жалғыз өзім күйбеңдеп жүруші ем, енді жеңешем бар тым болмаса суретке түсіріп жүретін)))