Жаным, мен сені сүйемін! Мәңгі сүйем...

Байқау жариялаймын, Байқау!

(Байқау ҚОРЫТЫНДЫСЫ)

~~~ Бұрынғылар айтушы еді: «Шын ғашық бұл дүниеде қосылмайды» деп, мүмкін сол рас шығар. Баяғы зар заманда қосыла алмағаны түсінікті, ал қазір ше, қазіргі жастарға не жетпейді? ~~~

Оралхан Бөкей
followme_alik тің постынан алынды.

Алдыңғы байқауым әлі нақты жауабын таппай келеді. Шынымды айтсам, ол байқауды жариялаған себебім кезінде оқып, енді қайта оқығым келген, бірақ авторын да, тақырыбын да білмейтін бір повестті табуым үшін еді. Өкінішке орай, әлі таба алмай жатырмын. Оқыған кітабымның авторы мен тақырыбына баса назар аудармайтыным жаман әдет)))
Бұйыртса, әлі де үміттімін.

Тақырыптан ауытқымайын. Мына байқауға түрткі болған Димаштың "Жаным менің Ақкенже, сүйемін ғой сені!" атты посты.

Сонымен, бұл байқауға жүрегінде түгі бар кез-келген Айтаберлік қатыса алады.

Байқау шарты:
Димаштың постындай сезімдеріңізді ашық түрде, тамаша жеткізе білу. Өлең құрайсыз ба, басқа қыласыз ба жүдә жұмысым жоқ, өз еркіңізде. Бастысы, шынайы болсын.

Егер сіздің сүйіктіңіз болмаса, онда сырттай ғашық адамыңызға сезіміңізді осында жазсаңыз болады.

Байқау міндеті:
1. Тақырыбы келісті болатын болсын, оған баса назар аударылады.
2. Қатесіз, тиянақты болатын болсын. Мынаны және мынаны да оқып алсаңыздар артықтық етпейді
3. Бірге түскен суреттеріңіз болса, «нұр үстіне нұр, құмшекер үстіне құмшекер» © болар еді.

Байқау сұрағы:
Сүйіктіңіз үшін жасаған ерлігіңіз? толық етіп жазғайсыз

Байқау мерзімі:
Екі апта, егер көп немесе аз көрінсе өтініштеріңіз қабылданады.

Байқау өтініші:
1. Пост жазған кезде өзгенің ар-намысына, ұлттық, діни ерекшелігіне тиіспеуіңізді;
2. Боғауыз, балағат сөздер, жанжал туғызатын ойлар жазбауыңызды;
3. Осы байқауға ұқсас тағы бір байқауды қылтитпауыңызды өтінемін.

Сондай-ақ, сезімдеріңізді мұнда пікір ретінде емес, маған Korkem осында жеке хат ретінде жіберуіңіз керек, мен оны бөлек пост етіп жазамын.

Байқау сыйлығы:
Байқауды әділ қазылар талқылайтын болады. Олар құпия. Және жинаған балл есепке алынады.
"Өте тамаша" деп танылған пост иесі 500 бірлікке ие болады.
"Өте жақсы" деп танылған пост иесіне 400 бірлік;
«Тамаша» деп танылған пост иесіне 300 бірлік;
«Жақсы» деп танылған пост иесіне 200 бірлік;
«Мақтауға тұрарлық» деп танылған пост иесіне 100 бірлік жолданады;

Ат салысыңыздар! Сәттілік тілеймін!

Пы/сы: Алдыңғы байқауымдағы қара тізімге енген зынданда жатқан akil_kalta01 , QARASAQAL , followme_alik , Nurkoke төртеуіне жеңілдік жасалынды.