Тойдың боларынан "болады"сы қызық

Ол кезде көктем еді.
Қызықтың бәрі ағамның "үйленемін"-інен басталды. Дұрысы, "үйлен!", — деп ата-анам үгіттеген-тін.
Жасы келген кез-келген жігіттердің үйленгісі келгендегі жалғыз проблемасы барға ұқсайды, онысы "үйленетін қыз жоқ!". Өзі таппайтын болғасын "өзіңізге ұнайтын қыз іздеңіз" деп мамама ескертсе де мамам көрсеткен қыздың бірде біреуін ұнатпады.
Бәрі дайын болса да қыз таба алмай біраз әуреге түстік оу, махаббат қайда деймін? Осылай сенделіп жүргенінде менің басымда мынадай қызық болды. Күтпеген жерден, кездейсоқ бір қызбен танысып қалдым. Ісіміз бір болған соң ба, тез тіл табысып алдық. Менен екі жас кішілігі бар, қазақтың нағыз сұлуы демесем де қараторының әдемісі екен, қасы-көзі қиылған өзбекке ұқсайды өзі. «Ағама таныстырсам қайтеді...» деген ой сумаң етті де, кетерімізде нөмір, логиндерімізді алмасып алдық, өзі де соған сұранып тұр екен. Не керек, кешкісін ол агентке кірді. Бұрын жеңгетай болмақ түгіл екі жастың таныстығына да себеп болып көрмеппін. Біраз қысылғаным ештеңе емес екен. Есесіне ол елімді, жерімді сұрап, өзі-ақ барін сұратып тұр. Қызық болғанда, менің ағаммен қатар ағасы бар екен де, сонымен таныстырмақ ниеті бар екенін байқатты.))) Мәссаған, мен аузымды ашып үлгергенше алдымды орап кетсін, ағасын жата кеп мақтайды "өзі иманды 5 уақыт намаз оқиды, қақ-соқпен жұмысы жоқ, ішпейді, шекпейді..." ))) Мән-жайды түсіндіріп, өзім күлдім.
Қой, нөмірін ағама бере салайын, өзі бірнарсе етер.
Жақсысы, ағам қызды өзі тапты. Кешегі үйленген жолдас баласына жолдас болып еріп барып, қыз жолдасқа «сыныпты». Не керек, әйтеуір қыз табылды.


Тәтті шәй.
Ағам болашақ жеңгеммен бір-екі айдай «махаббат» болып жүрді де, үйленетін болып сөз байласты. Жеңешем жоғарғы оқу орындарының бірінде соңғы курста оқиды екен, мамандығыыы… ұмытып тұрмын.
Ендігі мәселе, қызды қалай алып келу, құдалық дегендер болды. Алып қашуға үзілді-кесілді қарсы болғанығымыздан мамам өзіне жақын деген қайынсіңлісін ертіп құдағиды тәтті шәйға шақырған. Тәтті шәй — екі жақтың ата-аналары кездесіп, бір мәмілеге келу. Тәтті шәйді біз жақ ұйымдастырғанымен олар жақ уақытын өздері айтады. Тәтті шәйдан бұрын мамам қызбен кездескен де "әп-әдемі екен" деп мақтап келген.)))

Сонымен не керек, тәтті шәйдің уақытын біраз созды. Болашақ жеңешемнің әкесі он ағайынды үлкен әулет екен де, солардың бірінің құдалығы ма, ұзатуы ма болып біздікі біразға кешікті, 27.не өзімізше белгілегенімізбен «тәтті шәй» 4.не шегерді. Үлкендер жағы тәтті шәйлатып, қыз жақ бірінші болып құдалық шақыратын болды. "Әулетіміз үлкен, қызды жәй ұзата салсақ сөзге қаламыз" дегесін қызды үйден шығарып салу рәсімімен, құдалықты қатар көтерді. Қазіргі таңда құдалықты қыз жақ бірінші болып шақыру әдет болып барады.
Содан, «шики-шики»мен 3.і де келіп жетті, яғни, құдалыққа баратын күн. Олар күндізгі 12.ге шақырған. Әуелі кафеде құданың жолдастары, одан кейін ағайын, одан соң қыздың өз үйінде күтілетін болды.

Құдалықта не қызық болғанын білмеймін, бірақ келесі постымда оғанға дейінгі қызықты айтайын.