Сәбіременні "Қара жорға" әні

«Жынды жорға» болмаса,
Дискотека бола ма?!
Мини киім кимесе,
Қызға көңіл тола ма?!
Биле, биле, сұлуым,
Балқытады жылуың.
Тынбай билеп тоқтамай,
Бұратылсын буының!
Ал, қанекей, пацандар,
Тормоз ұстап, саспандар.
«Жынды жорға» — тема ғой,
Жорғалаудан қашпаңдар!
«Телкаларың» қаласа,
Зажигать ет жараса.
Гламурный қыздарға
Көрмеңіздер таласа!
Ортаға шық, ну жастар,
Нашақорлар – руластар!
Шегіп алсаң «косякты»
Кайф болар қу бастар…
Героинге тоймаңдар,
Қой десе де, қоймаңдар!
«Жынды жорға» бітпесін,
Күні-түні тойлаңдар!
Алдың-дұлдың күйімен,
Тасыр-тұсыр биімен.
Басқосуы жастардың
Басталар «жынды» биімен.
Түнгі клуб – көк түтін,
Қызда киім жоқ бүтін.
Жорғаласа жалаңаш
Деп қалмаңдар «Жоқ күтім!»
Сыра болған шырыны,
Қолыңда жүр шылымы.
Бүгінгі күн қыздардың
Осы боп тұр қылығы!
Бұл — қоғамның шындығы,
Бұл — өмірдің сұмдығы!