1.Мен дүниеге келгенде, әжем қолына алып отырып: «Әй… жазған бала-ай..»,- деп күрсініпті (ол сөзді не үшін айтқаны, не мағына беретінін әлі күнге дейін түсіне алмай келе жатырмын, талай сөздікті ақтарып қарадым).

2. Шамасы, менің әр нәрсені ойлап бас қатыра беретінімді болжап айтқан-ау деп ойлап жүрмін, соңғы кезде…

3. Өзім туралы пост жазғанымды көріп Абылай мәз болып қалатын болды-ау (осы сайттағы, СЖ-дағы Абылай дағы, мен туралы ақпарат жинап жүрген көрінеді)

4.Шын атым Манас (бірақ қырғыз емеспін, таза қазақпын). Осы сайтта тағы да бір аттасым бар екен және ол да Атыраулық көрінеді, manas.aitaber.kz/profile/ Аттасым әрі жерлесім болғанына қуанып қалдым, бірақ шатастыра көрмеңіздер, ол мен емес (шатастырсаңдар тіпті жақсы, жазған постары күшті екен, мен жазған екен деп ойлаааап жүре берсеңіздерш)

5. Бала кезден келе жатқан жалғыз-ақ арманым бар, оны 7-шіде айтармын (ұмытып кетпеңдер)

6. Туған қалам Атыраудың балшығы мен масасын ештеңеге айырбастамаймын (не айтып отырғанымды Атыраулықтар мен онда болып көргендер түсінеді)

7. Сонымен, бала кезден арманым Түйеқұс асырау (Страус) иә… иә… кәдімгі Африкалық тұйеқұс, 5 жасымнан бері армандааааап келем… (Тіпті тұйеқұстың орынжайын да салып қойғам)
8.Сериалдарды мүлдем қарамаймын, бастан-аяқ қарап шыққан жалғыз-ақ сериал «Ай-Карли» (iCarly) сериалы (екі-үш рет қарадым-ау деймін), сүйікті кейіпкерім де сол сериалдағы Сэм.

9.Поэзияны өте жақсы көрем, бірақ өзім өлең жазбаймын, себебі талантым жоқ («Жаман ақыннан, жақсы етікші артық» деген принципті ұстанам). Өзіме ұнамаған шығарманы өлең деп есептемеймін (осы сайттан өзіме ұнаған жалғыз-ақ өлең оқыдым (поэзия блогындағын айтам), қалғанын өлең деп санамаймын)
9,5. Кейде тіке айтып салатыным бар, оған ренжімеңдер, ия сосын өте қырсық мінезім бар

10. Сосын ең жаман қасиетім көзбен көрмей еш нәрсеге сенбеймін, білем ол үшін көп адам менімен
келіспейтінін, сол үшін өзімді де жек көрем, ешқандай сенім жоқ менде (дінге де ғылымға да, тіпті… махаббатқа да… деп қояйыншы ұят болар)
10,5.Содан болар әр нәрсені ойлап қуып кетейін деп жүргенім!!!
11.Айтпақшы үйленбеген, басым бос. Менің көркім мен ақылыма тең келетін қызды әлі кездестірмеппін (жәй айтып жатырғаным ғой, шындығында қыздар қарамайды)
12.Ең жек көретінім саясат (политика), араласқым келмейді (мектепте Саясат деген апай болып еді (қанды ішетін) мүмкін содан болар)

13.Жақша қойғанды өте жақсы көретін сияқтымын жазғанымды оқып отырсам (мә… бәлен жақша қойыппын ғой (әр сөйлемде бар, ұят-ай!!! (өзім байқамаппын) шынымен ұялып отырмын (жақша қоя бергенімді айтам), кешіріңіздер! (кешірмесеңіздер де көп қиналмаймын) ((((((((((()))))))))))))

14.Жұмысым бар, бір мекеменің компьютерлерін қарау, 7-8 болар, өзім де ұмытып қалыппын, Бір компьютер бар жұмыста, сол үшін «ойбай компьютер жасамай қалды» деп шақыртады, төбесінен бір қоям да жүре берем (себебі, куллері дұрыс айналмайды, сосын зависит етіп қалады, процессордың төбесінен бір ұрсаң айналып кетеді). Сосын не істегеніңді айтып кет деп жалынады, мен айтам компьютерді сабаңдар деп, әзілдеп тұр деп ойлайды (сендіре алмай-ақ қойдым).

15. Жұмысым тек қана компьютер сабау деп ойлап қалмаңдар, бізде де көптеген программалар бар. Лотус-Нотес жалғап қойды істеген жұмысыңды қадағалап отырады.

16.Сұрақ-Жауап қолданушылары туралы «ең, ең..» пост жазам деп уәде беріп едім, соны орындай алмай жүрмін (Абылай ең әзілқой қолданушы..., Ардақ ең ақкөңіл..., Көркем… деп бастап келе жатыр едім), қол тимей кетті, сосын қызанақты (помидор) піскесін жазбасам…

17.Жауынды жақсы көрем, жаңбыр құйып тұрғанда Жайықтың жағасына барып суға тамған тамшыларды қарап отыру мен үшін бір ғажайып (сол кезде өткен өмірің көз алдыңа келіп, болашағыңды армандап отырғаның). Сол әр тамшыларда өзіңнің бақытың бардай сезініп, қеремет күй кешесің…

18.Еркін бауырым, туған күніңмен, бақытты бол! (Еркіннің кім екенін танымаймын, бірақ біреу агентте құттықтап жатыр екен, сосын жаза салдым)

19.Осы көбі сайттағы атыңды неге vvvwww қойғансың деп сұрайды. Оның ешқандай құпиясы жоқ, есте сақтау қабілетім (память) өте шамалы (шамамен 500-600 мб-дай болса керек, әйтеуір 1 Гб-ға жетпейтін сияқты), сосын кез келген сайтқа тіркелгенде осы атты қолданам, тіпті майл.рудағы логинім де сондай.

20.Агенттегі (майл.ру агентті айтамын дағы) достарымның көбі Айтабер мен Сұрақ жауап қолданушылары екен (сол сайттар пәле болды тіпті, кірмесең тұра алмайсың), өте жақсы достар таптым десем өтірік айтқаным емес
21. Жаңа бір досымнан басқа не жазайын деп ақыл сұрасам, қандай өнерің бар соныда қосып жібер дейді, ешқандай өнерім жоқ сияқты (ән айтпаймын, билемеймін, тіпті өткенде 3 сыныпта оқитын көрші балаға сурет салып берсем, мұғалімі қайтарып жіберіпті дұрыстап салып алып кел деп) басқа қандай өнерім бар еді… ойланыыыыып отырмын

22. Осы кезге дейін еш затымды ұрлатып көрмеппін, тек бір қызық жағдай болған, автобусқа отырарда қалтамда тұтас 2000 теңге бар, уақтату пәле болды ғой деп келе жатырсам (сдача қайтаруды айтам), мә… түсерде қарасам жалғыз ақ 45 теңге тиын (жаңағы тұтас ақшамды ұрлап алып, орнына жолақылық тиын тастап кетіпті (бізде за проезд 45 теңге) түскесін өлгенше күлдім…

23. Шынымен аяғына дейін оқып шықтыңыз ба? Әй онша сенбей отырмын-ау, мына шатпақты ерінбей-жалықпай оқып шыққаныңызға. Негізі жазам деген ойым болған жоқ еді, амал жоқ бастап қойғасын.

24.Басқа не жазарымды білмей отырмын… бірдеңе қызықтырса өздерің сұрап аларсыңдар, менікі бітті…